Регион
Нa демонстрантите во Белград фрлaн солзавец со рок истечен пред 25 години
На протестите во Белград на 7 јули поради најавата за затегнување на епидемиолошките мерки, полицијата пушти солзавец произведен во 1990 година кај демонстрантите, што предизвика вознемиреност кај граѓаните, но и опозициските партии.
За време на растерувањето на насобраните демонстранти пред зградата на српскиот парламент и судирите со демонстрантите во центарот на Белград на 7, 8 и 9 јули испукани се десетици канистри со солзавец, кои можеле да се најдат на улиците по завршувањето на судирите. Новинарите на Радио Слободна Европа (РСЕ) снимиле канистри со ознака „Куршум 38мм МН-01 ЦС“.
Како година на производство на некои канистри е наведена 2012, но пронајдени се канистери произведени пред триесет години, односно во 1990 година.
Во описот на производот наречен „хемиски куршум за неутрализација МН-01“, на веб-страницата на компанијата „Трајала“, која произведува експлозиви и пиротехнички средства, се вели дека пиротехничкото средство е наменето за привремено онеспособување на незаштитени лица на отворен и затворен простор.
Техничките карактеристики наведуваат дека рокот на траење на солзавецот е пет години, односно дека е најдобро да се користи во тој период.
Компанијата не одговори на прашањето на РСЕ што се случува со составот на солзавецот и неговите ефекти ако рокот на траење истекол пред 25 години.
Проблемот го покренаа граѓаните на социјалните медиуми, кои исто така објавија фотографии од канистери, а полициските акции на протестите во Белград беа осудени од невладини организации и опозициски партии.
Движењето „Слободни граѓани“ на 11 јули објави дека рокот на траење на солзавецот е пет години, по што следува промена во хемискиот состав и потоа отровот станува посилен.
Поранешниот шеф на Националниот центар за контрола на отрови во Воената медицинска академија, токсикологот Драган Јоксовиќ, рече дека солзавецот на протестите во Белград создал идеални услови за ширење на сите инфекции, а особено за коронавирусот, кој сега најмногу циркулира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.