Спорт
Гвардиола: И другите клубови трошат многу пари, не трошиме само ние
Тренерот на Манчестер сити, Пеп Гвардиола, повторно се огласи по повод критиките кои на сметка на неговиот клуб доаѓаат од сите страни откако Судот за спортска арбитража ја поништи казната на УЕФА.
Сити се спасија со одлуката на Судот во Лозана и наместо суспензија од две години и 30 милиони евра парична казна, ќе мора во касата на УЕФА да уплатат само 10 милиони евра.
Жозе Мурињо, Јирген Клоп, првиот човек на Ла Лига, Хавиер Тебас, беа најгласни во критиките кон клубот од „Етихад“.
Гвардиола повторно зборуваше за финансиската моќ на дугите клубови.
„Го сакавме Алексис Санчез, не можевме да си дозволиме да го донесеме, го сакавме и Хари Мегваер, не можевме финансиски да си дозволиме да го донесеме и него, не можевме да платиме колку што можеше да плати Манчестер јунајтед. Ние имаме пари, но пари имаат и други клубови. Дали во изминатата деценија потрошивме повеќе отколку во минатото? Потрошивме, но пред 20, 25 или 30 години Арсен Венгер, кој жестоко се залага за финансискиот фер-плеј, потроши многу повеќе пари за да биде на врвот. Тоа го прават сите клубови кои сакаат да бидат на врвот“, рекол Гвардиола.
Инаку, Гвардиола во тренерската кариера, во текот на 11 сезони во Барселона, Баерн Минхен и Манчестер сити, на засилувања потрошил неверојатни 1,3 милијарди евра.
Најмногу пари потрошил како менаџер на „граѓаните“. Од 2016 година Манчестер сити на нови играчи издвоиле 762,3 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баер со триумф во Купот стави точка на неверојатната сезона
Баер Леверкузен е победник на Купот на Германија за сезоната 2023/2024. и освојувач на „двојната круна“ во германскиот фудбал, откако претходно на доминантен начин ја освои и Бундес лигата.
Избраниците на Чаби Алонсо беа подобри од второлигашот Кајзерслаутерн во финалето на Олимпискиот стадион во Берлин со 1:0.
Ова беше петто финале за „фармацевтите“ и втора титула во Купот, прва по 1993 година.
Леверкузен ја комплетира чудесната сезона, која во сите натпреварувања ја заврши со еден пораз. Баер одигра 53 натпревари во сите конкуренции и загуби само еднаш, во средата од Аталанта во финалето, во Лига Европа.
Победата во финалето против Кајзерслаутерн ја изборија со голот на Џака во 16.минута, а потоа покажаа квалитет кога успеаја да ја одбранат бидејќи од 44.минута играа со фудбалер помалку на теренот.
Спорт
Тен Хаг: Ако Јунајтед не ме сака, ќе одам на друго место да освојувам трофеи
Манчестер јунајтед го освои ФА Купот откако во големото финале на Вембли го совлада Манчестер сити со 2:1. За Јунајтед ова е прв триумф во ФА купот по 2016 година, вкупно 13. во клупската историја.
Ерик Тен Хаг, го освои првиот тофеј како менаџер на Манчестер јунајтед. И покрај победата во ФА купот не е сигурно дека Холанѓанецот и наредната сезона ќе биде менаџер на Јунајтед. го коментираше натпреварот.
„Ако Јунајтед повеќе не ме сака, ќе одам на друго место за да освојувам трофеи. Тоа е она што го правам цела моја кариера“, рече Тен Хаг.
Како можни наследници на Тен Хаг се споменуваат Киеран Мекена од Ипсвич Таун, Роберто Де Зерби кој неодамна објави дека го напушта Брајтон и Томас Тухел кој си замина од Баерн на крајот на сезоната.
Спорт
МЗТ ја одбрани шампионската титулата
Foto/ facebook.com/kkmztskopje
МЗТ Скопје ја освои петтата последовна титула, 11. титула во клупската историја. Финалната серија против Пелистер, МЗт ја доби со 3:0. По двете победи на домашен терен, МЗТ вечерва победи во Битола со 78:67.
Пелистер се обиде да ја продолжи серијата, да се избори и за четврти натпревар, но кошаракарите на Радуловиќ имаа сила да му се спротивстават на шампионот само 24 минути.
По релативното израмнето прво полувреме, Пелистер во 23.минута ја стекна највисоката предност 50:43 и тука застана. МЗТ одговри со серија 11:0, минусот го претвори во плус од четири поени.
Во последната четвртина МЗТ му дозволи на Пелостер само два поени во првите шест минути игра, а кога Баковиќ со две тројки ја крена разликата на 16 поени беше јасно дека МЗТ ќе ја одбрани титулата.
Најефикасни во тимот на МЗТ беа Баковиќ и Гилон со по 15 поени, 11 кошеви постигнаа Делалиќ и Петков. Пелистер го предводеа Мијовиќ и Костоски со по 19 поени.