Свет
Тинејџерка од Атланта првпат скокала со падобран и загинала заедно со инструкторот
Осумнаесетгодишната Џина Трипликат не сакала возбудувања, но по завршувањето на средното училиште одлучила да проба нешто поинакво, се решила на прв скок со падобран во животот.
И тоа завршило трагично. Минатата недела таа загина заедно со својот искусен инструктор.
Несреќата се случила во Атланта, главниот град на сојузната држава Џорџија. Родителите на Џина гледале од земја и забележале дека падобранот се врти во воздухот и дека нешто не е во ред. Дури подоцна дознале дека се работи за нивната ќерка.
„Толку многу се радувавме на разговорот со неа откако ќе слета на земјата, сакавме да ги слушнеме нејзините впечатоци. Се чувствувам како да сме ограбени, дека сме ограбени до крајот на животот, тоа е толку болно“, рекол нејзиниот татко, пренесе Си-ен-ен.
Шерифот на округот Упсон, Ден Колгор, објавил дека тинејџерка од Невада и 35-годишен инструктор починале на лице место.
„Кусо по излегувањето од авионот, примарниот падобран не се отворил како што треба и дошло до неконтролирано вртење. Првичниот падобран се отворил на многу мала висина, но всушност не се отворил до крај“, објаснил Клигор.
Шерифот нагласил дека Еспосито бил искусен скокач со падобрани и вработен во компанијата „Скајдајв Атланта“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион се судри со јато птици во Мумбаи
Авионот на авиокомпанијата “Емирати” безбедно слета во Мумбаи, бидејќи непосредно пред слетувањето се судри со јато фламинга. Десетици птици загинаа од ударот на авионот, соопшти авиокомпанијата.
Боинг 777 кој летал на релација Дубаи-Мумбаи се судрил со јато фламинга, а се проценува дека имало околу 300.
Како што потврди портпаролот на компанијата „Емирати“ за Ројтерс, авионот слетал безбедно и сите патници се добро, пренесува РТС.
„Во инцидентот е оштетен авионот. Повратниот лет на овој авион кој требаше да лета за Дубаи е откажан“, изјави портпаролот на компанијата.
Европа
Лидерот на опозицијата во Британија: Изборите се шанса да се стави крај на хаосот на владата на Сунак
Кир Стармер, лидерот на британската опозициска Лабуристичка партија, денеска изјави дека националните избори во јули ќе и дадат шанса на земјата да стави крај на хаосот на конзервативната влада на британскиот премиер Риши Сунак.
„Време е за промени“, им рече Стармер на своите приврзаници откако Сунак објави дека изборите ќе се одржат на 4 јули, објави Ројтерс.
Британскиот премиер Риши Сунак претходно денеска потврди дека националните избори во Британија ќе се одржат на 4 јули.
Сунак додаде дека кралот Чарлс III одобрил распуштање на парламентот и дека изборите ќе се одржат на 4 јули.
Ројтерс претходно објави дека Сунак најавил дека изборите ќе се одржат во втората половина на годината.
Свет
Нетанјаху: Објавата на Ирска, Шпанија и Норвешка за признавање на Палестина „награда за тероризам“
Израелскиот премиер Бенјамин Нетанјаху денеска ја осуди најавата на Ирска, Шпанија и Норвешка дека наскоро ќе ја признаат независна Палестина како „награда за тероризмот“ и нагласи дека Тел Авив останува решен кога е во прашање победата во Појасот Газа.
Во изјавата, Нетанјаху изјави дека 80 отсто од Палестинците на Западниот Брег „го поддржуваат масакрот извршен од Хамас на 7 октомври“, пишува „Тајмс оф Израел“.
„На ова зло не смее да му се даде земја. Тоа ќе биде терористичка држава. Ќе се обидат да го повторат масакрот од 7 октомври, а ние нема да се согласиме на тоа“, рече тој.
Израелскиот лидер нагласи дека „наградата за тероризмот нема да донесе мир“ и дека одлуката на овие земји да ја поштедат Палестина нема да го спречи Израел да го победи Хамас.
Норвешка, Шпанија и Ирска најавија претходно денеска дека ќе ја признаат палестинската држава на 28 мај.
Како што рече ирскиот министер за надворешни работи Мајкл Мартин, Ирска планира да ја признае палестинската држава врз основа на нејзините граници од 1967 година, кои ги вклучуваат Газа, Западниот Брег и Ерусалим како главен град и на Израел и на Палестина.