Регион
Чедомир Јовановиќ по битката со коронавирусот: Не личам на себе

Лидерот на српската партија ЛДП Чедомир Јовановиќ по излегувањето од болница зборува за својата борба со коронавирусот во разговор за српската 1ТВ.
„Тоа што луѓето можат да го прочитаат и слушнат е точно. Но, недостига чувството кое ќе го стекнете кога же се соочите со искуството. Опасноста дека можам некого да заразам постојано ми беше во умот. Сте ги изложиле на опасност пријателите и семејството, за тоа размислував повеќе од било што друго. Ние како општество направивме многу погрешни чекори, вообичаено сме паметгни кога удирамењњ со глава во ѕид. Болеста не бира. Голема е одговорноста кога ќе разбирате дека некого можете да заразите“, рекол Јовановиќ
Според него, медицинскиот персонал не правел разлика во пристапот кон него и останатите пациенти, биле внимателни и одговорни со сите.
„Оваа маска, би ја изел повеќе пати до сега, но таа ме чува и мене и другите. Една ноќ дојдоа 320 луѓе на Инфективната клиника и не знаете како да им помогнете. Изгубив многу килограми едвај личам на себе“, вели Јовановиќ во интервјуто.
Тој нагласува дека неговото шестчлено семејство е во добобра состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Србија нема да воведе санкции против Русија

Претседателот на Србија, Александар Вучиќ, изјави дека Србија нема да воведува санкции кон Русија и дека ќе се држи до својата сегашна политика, и покрај различните најави од владата.
Вучиќ рече дека граѓаните на Србија поддржуваат таков правец бидејќи тоа е „политика на независна и суверена држава“.
„Ќе продолжиме со нашата политика, која беше принципиелна и која досега се покажа како точна, која никому не му се допаѓаше, ниту на оние на Запад ниту на оние на Исток“, нагласи Вучиќ.
Реакцијата на Вучиќ следи по интервјуто на министерот за европски интеграции Немања Старовиќ за австриската агенција АПА. Старовиќ навести дека Србија може да размисли за усогласување со санкциите на ЕУ против Русија откако нејзиното членство во Унијата ќе стане неизбежно.
Тој објасни дека одбивањето да се воведат санкции произлегува од економска неопходност, а не од политичка лојалност кон Москва.
„Русија воопшто нема да биде погодена, но српската економија ќе биде погодена во огромна мера“, рече Старовиќ.
Сепак, претседателот Вучиќ ги отфрли тие изјави, нарекувајќи ги „невнимателни“.
„Жал ми е што некои од нашите пријатели во руските медиуми едвај чекаат да најдат нешто за кое ќе ја критикуваат Србија. Исто така, жал ми е што имаме многу луѓе на нашата домашна политичка сцена кои би сакале да ги бранат Русите отколку Србија. Морам да ги разочарам, Србија нема да воведе санкции врз Русија“, рече Вучиќ.
Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“: