Спорт
Донарума: Ибрахимовиќ е ѕвер, тој е феномен
Чуварот на мрежата на Милан, Џанлуиџи Донарума (21) во интервју за „Sky Sports Italia“ вели дека сака да остане на „Сан Сиро“ и да освојува трофеи. Тој несомнено е еден од најталентираните голмани во светски рамки, а поради променливата форма на „росонерите“, постојано се шпекулира за негово можно заминување од Милано.
„Сакам да станам најдобар голман и да освојам што е можно повеќе трофеи со Милан. Сакам да го освојам и Светското првенство, тоа исто така ми е на листата на приоритети“ – вели тој.
Милан сезонава тргна ужасно, но почна да се „крева“ по доаѓањето на Златан Ибрахимовиќ. По паузата поради коронавирусот, „црвено-црните“ се една од најдобрите екипи во првенството и имаат прилика да ја бркаат Рома која е петта со 2 бода повеќе, на позиција која води во ЛЕ.
„Среќен сум како работиме во последно време. Му благодарам на тренерот што секогаш зборува добро за мене, секогаш ќе дадам се од себе за негом сјаен тренер и личност. Што се однесува до Ибра, човекот е ѕвер, тој е феномен. Ни дава многу и го слушаме. Ни дава дополнителна сила, нешто што ни недостасуваше, дури и на тренинзите. Ни го зајакнува менталитетот“ – вели Донарума.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.
Спорт
Швјонтек го освои Мастерсот во Мадрид
Тенисерката број еден во светот Ига Швјонтек ја освои титулата на Мастерсот во Мадрид. Таа во финалето ја победи Арина Сабаленка во три сета. За Швјонтек ова е 20-та титула во кариерата, а прва во Мадрид.
Резултатот по три часа и 14 минути борба беше 5:7, 6:4, 7:6 (9:7).
Спектакуларниот меч на двете најдобри во светот, кулминација доживеа во тај-брејкот во третиот сет кој Швјонтек го доби со 9:7.