Свет
(Видео) САД ѝ наредија на Кина да го затвори конзулатот во Хјустон во рок од 72 часа
САД побараа од Кина да ја затвори канцеларијата за пасоши и визи во генералниот конзулат на Кина во Хјустон, Тексас, информира главниот уредник на „Глобал тајмс“ цитиран од „Ројтерс“.
Кинеското МНР ја потврди информацијата велејќи дека Вашингтон ненадејно на 21 јули го известил Пекинг да го затвори својот конзулат во Тексас. Според дневниот брифинг на портпаролот на кинеското Министерство за надворешни работи, Ванг Венбин, Пекинг остро ја осудил одлуката и ги повикал САД да го повлечат овој потег, истовремено најавувајќи одмазднички мерки како одговор.
The US asked China to close Consulate General in Houston in 72 hours. This is a crazy move.
— Hu Xijin 胡锡进 (@HuXijin_GT) July 22, 2020
Кина во моментот има пет генерални конзулати во САД, вклучувајќи ги и оние во Њујорк, Чикаго, Сан Франциско и Лос Анџелес, како и кинеската амбасада во Вашингтон.
Според локалната телевизија КПРЦ 2, која го цитирала полицискиот оддел Хјустон, полицијата и противпожарната служба претходно одговориле на повик за пожар што бил забележан во дворот на конзулатот. Извештаите посочуваат дека пожарот е резултат на документи што биле запалени во дворот на зградата.
Коментирајќи ги извештаите за палењето документи во дворот на конзулатот, Ванг Венбин рече дека канцеларијата на Хјустон работи нормално.
Развојот со конзултатот во Хјустон е провокација и игра на кој прв ќе се повлече во односите меѓу Кина и САД, вели д-р Ванг Јивеј, директор на Институтот за меѓународни работи и Центарот за европски студии при Универзитетот „Ренмин“ во Пекинг.
„Трамп ја притиска Кина само да добие реизбор, да се оддалечи од неговите проблеми. Дури и тој не може да постигне таква цел. Можат да се случат и поопасните дејства, како што се прекин на дипломатските односи и воен конфликт ако Кина покаже слабост. Трамп ја принудува Кина да направи жртви за неговиот реизбор со киднапирање на американските гласачи и американските сојузници“, додава професорот.
This video shared with us by a viewer who lives next to the Consulate General of China in #Houston shows fire and activity in the courtyard of the building.
DETAILS SO FAR: https://t.co/2cOeKoap96 pic.twitter.com/0myxe6HIlC— KPRC2Tulsi (@KPRC2Tulsi) July 22, 2020
Подоцна, портпаролот на американскиот Стејт департмент, Морган Ортагус, го коментира овој потег велејќи дека затворањето на конзулатот е мотивирано од потребата да се заштитат американската интелектуална сопственост и приватните информации.
Во вторникот Министерството за правда на САД соопшти дека двајца кинески официјални лица се обиделе да украдат истражување за вакцината за Ковид-19 преку наводни обиди за хакирање голем број американски, британски и други меѓународни компании.
Кинескиот амбасадор во Велика Британија, Лиу Сјијаоми, ги отфрли овие неосновани тврдења како непочитување на кинеските научници и нивните достигнувања. Пекинг е една од водечките земји во своите обиди за истражување против коронавирусот со својата втора национална вакцина произведена од „Синовак биотек“, што набргу се очекува да влезе во последната фаза на тестирање кај луѓе.
Кинеско-американските односи се влошија за време на пандемијата на коронавирусот бидејќи американскиот претседател Доналд Трамп постојано го обвинуваше Пекинг за ширењето на вирусот. Американски официјални лица претходно изјавија дека размислуваат за разни опции за казнување на Кина за бројот на смртни случаи, кои се резултат на пандемијата, вклучително и забрана за некои од најпопуларните платформи за социјални мрежи, како што е „Тикток“. Сепак, според кинеското МНР, наредбата да се затвори конзулатот е прилично неочекувана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.