Свет
Германка киднапирана во Багдад бидејќи ги поддржала антивладините протести
Германка, добро позната на уметничката сцена во Ирак и постојан поддржувач на масовните антивладини протести, била киднапирана пред уметничкиот центар во Багдад, каде што работела, пренесува „Ал Арабија“.
Киднапирањето на Хела Мевис предизвика вознемиреност кај ирачките активисти и другите странци што живеат во земјата, а доаѓа две недели по убиството на истакнатиот ирачки коментатор Хишам ал-Хашими од непознати вооружени лица. Извршителите на тоа дело сè уште не се познати.
Мевис била грабната пред „Бејт Таркиб“, уметнички центар во кој работи во Багдад, околу 8 часот по локално време во понеделникот од вооружени лица во две возила, соопштија официјални лица за безбедност и активисти за човекови права.
Премиерот Мустафа ал-Кадими вети дека ќе ги совлада вооружените групи, но притисокот врз владата се зголемува во услови на повторени ракетни напади насочени кон американските инсталации, атентати и исчезнувања.
„Ги повикуваме ирачките безбедносни служби сериозно и експедитивно да ја побараат. Исто така, ги молам киднаперите да се погрижат за нејзината безбедност и здравје и да ја ослободат што е можно побргу“, рече граѓанската активистка Хана Едвар на прес-конференција по исчезнувањето на Мевис.
Германскиот министер за надворешни работи, Хајко Мас, рече дека германското Министерство за надворешни работи формирало кризна работна група за справување со исчезнувањето на Мевис, јави германската новинска агенција ДПА. Маас додаде дека не сака детаљно да зборува за случајот со оглед на чувствителноста на ситуацијата, но рече дека почнале да бараат решение што ќе ја обезбеди доброосостојбата на киднапираното лице.
Мевис е почитувана личност во Багдад, каде што живее седум години и води уметничка програма за млади Ирачани преку „Беит Таркиб“. Киднаперите на Мевис возеле пикап и комбе.
Али Акрам ал-Бајати, портпарол на полуофицијалната ирачка Висока комисија за човекови права, рече дека сведоците виделе дека Мевис ја киднапирале вооружени лица.
„Таа има добри односи со разни невладини организации во Ирак и со ирачката младина“, рече тој.
Мевис е поддржувач на масовните антивладини протести што избувнаа во Багдад и југот на Ирак на 1 октомври. Десетици активисти и демонстранти беа киднапирани за време на повеќемесечните демонстрации против вооружените групи, неконтролираната владина корупција, лошите услуги и невработеноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
48 лица загинаа во страшна несреќа во Кина, Кинезите го слават херојскиот потег на камионџијата
Кинезите го слават возачот на камион кој го паркирал своето возило преку автопат за да спречи повеќе возила да не се стркалаат по падината по уривањето на автопат. Најмалку 48 лица загинаа во несреќата на југот на земјата.
Ванг Ксијангнан во средата возел по автопат во провинцијата Гуангдонг кога забележал неколку возила кои се движат во спротивна насока на автопатот со четири ленти. Набрзо еден колега возач го известил дека автопатот пропаднал.
Поранешниот војник Ванг брзо го позиционирал својот камион да го блокира автопатот, ефикасно запирајќи десетици возила да продолжат кон амбисот. Во меѓувреме, неговата сопруга излегла од камионот за да ги предупреди другите возачи за ситуацијата, јавуваат кинеските медиуми.
„Не размислував премногу. Само сакав да ги запрам возилата“, изјави Ванг за кинеската новинска агенција. Храбрите постапки на Ванг не само што добија пофалби од Кинезите на социјалните мрежи, туку и признанија од Кинеската фондација за развој на работниците.
Фондацијата во петокот објави дека му доделила на Ванг 10.000 јуани (1.414 долари) во соработка со една автомобилска компанија. Добротворниот проект поврзан со технолошкиот гигант Алибаба, исто така, му даде на Ванг еднаков износ. Ванг изјави за весникот дека парите ќе ги донира на семејствата на жртвите од колапсот.
Локалните медиуми, исто така, објавија дека уште еден маж клекнал за да ги спречи автомобилите да продолжат по автопатот. Несреќата се случила по цел месец обилни дождови во Гуангдонг. Некои од 23-те возила кои паднаа во длабоката провалија се запалија, по што се издигнаа густи облаци од чад.
Во саботата, градската влада на Меиџоу во Гуангдонг објави дека властите ќе спроведат проверки на автопатите, железниците и патиштата во планинските области. Тим предводен од гувернерот на провинцијата ги истражува причините за падот.
Свет
Садик Кан по трет пат стана градоначалник на Лондон
Градоначалникот на Лондон, Садик Кан победи на изборите во главниот град по трет пат, победувајќи ја Сузан Хол од британската Конзервативна партија.
Кан, кој е од Лабуристичката партија, победи во девет од 14-те изборни единици во Лондон.
Тој обезбеди 1.088.225 гласови, додека за Хол гласале 812.397 гласачи, пренесува „Стандард“.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024