Свет
(Видео) Американската полиција нападнала руски новинари на протестите во Портланд
Руска ТВ-екипа што ги покривала тековните протести во Портланд, Орегон, била нападната од полициските службеници што пукале врз демонстрантите, пренесува РТ.
Двајцата руски новинари биле повредени додека известувале од местото на интензивните судири пред Федералниот суд во Портланд. Руските новинари биле повредени додека снимале обид на демонстрантите да го запалат влезот во судот.
Вјачеслав Аркипов, снимател за рускиот „Канал 1“, бил удрен со пендрек и фрлен на земјата. Неговата камера била искршена од еден полицаец. Неговата колешка Јулија Олховскаја била нападната додека го снимала протестот со својот телефон. Полицаец ѝ ги зел телефонот и кацигата што ја носела и ја турнал на земјата.
Висок претставник на „Канал 1“ изјави дека двајцата новинари не се сериозно повредени во инцидентот, но штетата на нивната опрема е значајна. Говорејќи по инцидентот, Олховскаја рече дека нејзиниот снимател поминал полошо отколку таа.
„Едниот полицаец го удри во десната рака со пенрек со сета сила, а другиот ја зграпчи камерата и ја фрли на земјата“, рече таа во интервјуто.
Според нејзината приказна, полицајците излегле од судницата и носеле кафеава униформа, што укажува дека биле сојузни полицајци, а не припадници на полицијата во Портланд. И двајцата новинари ги носеле своите акредитации кога биле нападнати. Претходно во текот на ноќта, екипата била фатена во облак од солзавец, што полицајците го користеле против демонстрантите.
Протестите пред Федералниот суд во Портланд се случуваат секоја вечер повеќе од два месеца, а ескалираа во немири во повеќе наврати. Градот неодамна преживеа наплив од насилство кога администрацијата на Трамп распореди дополнителни федерални сили за спроведување на законот за да се справи со активистите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.