Свет
Американски епидемиолог: Mалку е веројатно дека ќе го искорениме коронавирусот
Водечкиот американски епидемиолог Ентони Фаучи вели дека малку е веројатно оти коронавирусот некогаш ќе биде целосно искоренет.
„Мислам дека комбинацијата на добри мерки во јавното здравство, нивото на глобалниот имунитет и добра вакцина ќе успеат да ја доведат короната под контрола оваа или следната година. Но, се сомневам дека целосно ќе ја искорениме“, рече Фаучи.
Неговиот коментар не се сложува со оној на американскиот претседател, Доналд Трамп, кој тврди дека вирусот ќе исчезне.
Фаучи вели дека вирусот се разликува од САРС, вид коронавирус кој се појави на почетокот на 21 век. Тој вели дека Ковид-19 е неверојатно успешен во пренесувањето од човек на човек и има широк спектар на симптоми.
„Никогаш не сум видел инфекција со таков широк распон на симптоми. Некои имаат послаби симптоми, некои се во кревет со месеци, а некои во болница на интензивна нега“, вели Фаучи.
Бројот на регистрирани случи на зараза со новиот коронавирус во САД во четвртокот надмина четири милиони, што укажава на забрзано ширење на заразата од првиот случај регистриран на 21 јануари, пренесува „Ројтерс“.
На САД им беа потребни 98 дена да стигнат до милион заразени, а сега за 16 дена, од три стигнаа до четири милиони, тврди новинската агенција. Просечно, новите случаи на Ковид-19 растат 2.600 за еден час, што е највисока стапка на светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.