Црна хроника
Уапсени 18 шефови на грузиската мафија

Осумнаесет членови на грузиска мафијашка група од којашто, како што се нагласува, тринаесет шефови русофони, се уапсени низ Европа, соопшти во средата европското полициско биро Еуропол.
„Ова претставува еден од најтешките удари за клановите коишто ги контролира таа елита не русофонското криминално милје“, се истакнува во соопштението на Еуропол.
Апсењата биле извршени во Италија, Чешка, Франција, Унгарија и Португалија во вторникот наутро, се додава уште во соопштението што го цитира AFP, при што се нагласува дека по истрагата којашто траела година ипол во повеќе земји запленета е дрога, оружје и 100 илјади вера во готовина.
Од осумнаесетмината осомничени припадници на грузискиот клан Кутаиси, тринаестмина се високорангирани шефови познати како „вори в законе“ (односно „законски гангстери“), коишто се наречени така бидејќи имаат свој кодекс на честа. Познати се по живописните тетоважи. Тие ја контролираат и управуваат со криминалната активност на кланот.
Според Еуропол, станува за прво пасење на толку голем број вакви криминалци.
Овие грузиски криминални групи се многу често добро организирани, со изразена хиерархија. Прво се зацврстија во Шпанија, од каде што подоцна се прошириле низ цела западна Европа каде што ги испраќаат своите луѓе а располагаат и со мрежа којашто ги надгледува ткн „пиони“ задолжени за кражби на автомобили друго./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Поранешен дечко со оружје дошол пред домот на девојка во Гевгелија, полицијата го спречила

Полицијата во Гевгелија денеска спречи обид за убиство на девојка од нејзиниот поранешен партнер.
Според информациите на Министерството за внатрешни работи, 25-годишната М.П. од Гевгелија пријавила дека на нејзината влезна врата тропале нејзиниот поранешен партнер Ј.Г., кој користел отсуство од затвор, заедно со Л.Г.
Од пријавата произлегува дека двајцата се заканувале, а младата девојка слушнала и репетирање на огнено оружје.
Полициските службеници веднаш излегле на местото на настанот и извршиле преглед. Во ормарот за чевли бил пронајден пиштол без рамка. При извршеното алкотестирање кај поранешниот партнер биле измерени 3,3 промили алкохол во крвта.
Двајцата биле приведени, а по целосно документирање на случајот ќе биде поднесена кривична пријава.
Црна хроника
Со тврд предмет ги нападнал сопругата и малолетната ќерка: уапсен скопјанец

Синоќа во 20:30 часот на подрачјето на Бит Пазар во Скопје, полициски службеници од СВР Скопје лишија од слобода 39-годишник од Скопје.
Полицијата постапила по претходна пријава од неговата 42-годишна сопруга дека во семејниот дом, физички ги нападнал неа и нивната малолетна ќерка, при што употребил и тврд предмет.
По целосно документирање на случајот ќе биде поднесен соодветен поднесок.
Црна хроника
Ги претепал двете сестри: кривична за 19-годишник од Тетовско

СВР Тетово поднесе кривична пријава против 19-годишник од тетовско село.
Тој се сомничи за сторено кривично дело „телесна повреда“.
Имено на 09.08.2025 во семејниот дом, пријавениот физички ги нападнал двете негови сестри, од кои едната е малолетничка.