Свет
(Видео) Шефот на СЗО ги отфрли тврдењата на Мајк Помпео дека е купен од Кина
Шефот на Светската здравствена организација (СЗО) изјави дека коментарите на државниот секретар на САД, Мајк Помпео, со кои тој ја оспорува неговата независност се невистинити и нема да го одвлечат вниманието на организацијата од справувањето со пандемијата на коронавирусот.
„Коментарите се невистинити и неприфатливи и без никаква основа. Нашиот единствен фокус – и фокусот на целата организација – е на спасување животи и во СЗО нема да бидат потресени од овие коментари. Не сакаме да биде одвлечено вниманието од меѓународната заедница“, изјави Тедрос Адханом Гебрејезус на брифинг во врска со тврдењата на Помпео.
Помпео ги изнесе овиненијата на состанок во вторникот со двопартиската група британски законодавци посочувајќи дека ниту Тедрос ниту СЗО не сторила нешто друго, освен што постапила во интерес на Кина откако вирусот првпат бил откриен во јужниот кинески град Вухан минатиот ноември. Тој соопшти дека САД имаат цврста разузнавачка основа за тврдењето дека Кина го купила Тедрос, пренесува „Тајмс“.
Според „Телеграф“, пак, Помпео го споредил СЗО со Советот за човекови права на ОН обвинувајќи го глобалистичкото тело дека ја избрало политиката пред науката.
Ова е вторпат за помалку од еден месец Тедрос да излезе во јавноста за да побара поддршка и крај на критиките за неговото постапување со пандемијата. На 10 јули видно потресениот Тедрос ги избриша солзите од очите обвинувајќи за недостиг од лидерство и солидарност за време на кризата предизвикана од коронавирусот барајќи светските лидери да се обединат и да ја поддржат неговата организација.
„Зошто им е тешко за луѓето да се обединат и да се борат против заедничкиот непријател, кој неселективно убива луѓе? Дали сме во состојба да го разликуваме или идентификуваме заедничкиот непријател? Не можеме ли да разбереме дека поделбите и јазовите меѓу нас се предност за вирусот?“, запраша тогаш челникот на СЗО.
Тим на СЗО во моментот е во Кина организирајќи мисија да го испита потеклото на вирусот, кој првпат го привлече вниманието на јавноста на пазарот за храна во централниот град Вухан кон крајот на минатата година.
Истражувачкиот тим го предводи поранешната премиерка на Нов Зеланд, Хелен Кларк. Левичарката Кларк претходно тврдеше дека СЗО била оставена на цедило поради недостигот од поддршка од Советот за безбедност на ОН и Г20.
„Неговата токсична геополитика го спречува да прави нешто корисно“, рече Кларк за моќниот Совет за безбедност во мај.
Дури и пред да слушне каков и да е доказ како дел од истрагата, Кларк истакна дека е бранител на СЗО затоа што, во околностите, организацијата ја завршила најдобрата работа што може. Вашингтон официјално почна постапка за повлекување од СЗО на 8 јули откако го најави тоа во мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.