Европа
Германија размислува да воведе задолжително тестирање за повратниците од области со висок ризик
Германија би можела да воведе задолжително тестирање на коронавирус за сите луѓе кои се враќаат од одмор од земјите со ризик, бидејќи статистиката покажува дека бројот на нови инфекции во земјата е најголем во последните два месеца, изјави денеска министерот за здравство, Јенс Шпан.
Министерот во радио интервју изјави дека владата сака да стори сé што може за да го спречи понатамошното ширење на вирусот, истовремено почитувајќи ги основните човекови права.
„Во моментов проверуваме дали е во согласност со законот ако се одлучиме на задолжително тестирање, без да ја нарушиме слободата на поединецот или неговото право на телесна неповредливост“, рече Шпан.
Министерот, кој е еден од најистакнатите членови на конзервативната партија на германската канцеларка Ангела Меркел, рече дека судските власти испитуваат дали сите преземени мерки за борба против коронавирусот се во согласност со основните човекови права.
Во петокот Шпан и неговите колеги од 16 германски покраини се согласија властите да обезбедат бесплатно тестирање за сите повратници од таканаречените ризични земји веќе на аеродромите и пристаништата.
Сите повратници од земји за кои се смета дека се изложени на голем ризик, како САД, Бразил и Турција, ќе можат веднаш да извршат тестирање, а сите што ќе пристигнат во Германија од други области и земји ќе бидат тестирани во рок од три дена.
Ако резултатите од тестот на лице кое се вратило од ризична земја се негативни, истото нема да мора да оди во изолација од 14 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.