Свет
„Ел Паис“: Бројот на починати од коронавирус во Шпанија може да е 60 отсто поголем од официјалниот

Бројот на починати од Ковид-19 во Шпанија може да биде дури 60 проценти поголем од официјалната статистика, според која починале 28.432 лица, објави весникот „Ел Паис“.
Официјалната бројка вклучува само луѓе на кои им е дијагностициран коронавирус, но не и луѓе кои починале под сомнение дека ја имале болеста и не биле тестирани.
„Бидејќи тестирањето не е распространето, особено во првата фаза на пандемијата, официјалната бројка може да биде помала од реалната, како и во многу други земји“, пишува весникот.
Земајќи ја предвид регионалната статистика за смртни случаи кај кои бил потврден коронавирусот како и бројот на починати кај кои постои сомневање дека го имале вирусот „Ел Паис“ дошол до 44.886 смртни случаи.
Ако проценката на „Ел Паис“ е точна, Шпанија е зад Велика Британија – европска земја со најмногу смртни случаи од коронавирусот.
Шпанското Министерство за здравство не одговорило на барањето за коментар.
Анализата на „Ел Паис“ приближно се совпаѓа со статистиката на Националниот епидемиолошки центар и Националниот центар за статистика (ИНЕ), кои регистрираат колку смртни случаи има во целата земја споредено со претходните години.
ИНЕ во јуни објави дека се регистрирани 43.495 повеќе смртни случаи во првите месеци од 2020 година отколку во истиот период лани, иако тие не кажале во која мера оваа разлика може да се припише на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.