Црна хроника
Професор и обезбедувач меѓу напаѓачите во хемиското училиште „Марија Кири – Склодовска“

Професор по хемија во средното хемиско училиште „Марија Кири Склодовска“ и триесет и двегодишен обезбедувач од скопското село Студеничани биле меѓу напаѓачите во инцидентот што се случи во вторникот во ова средно училиште.
Неофицијално, причина за тепачката била носењето на албански знамиња во училиштето. Од МВР официјално не ја откриваат причината и велат дека инцидентот настанал без посебен повод и причина.
Министерката за внатрешни работи, Гордана Јанкулоска и денеска повтори дека МВР не е надлежно за спроведување на Законот за знамињата.
„Можам да ви кажам кои се надлежностите на министерството за внатрешни работи. По однос на надлежностите на другите институции не би можела и не би сакала да зборувам“ изјави Јанкулоска.
Таа изјави дека инцидентот што се случи во хемиското училиште е целосно расчистен и документиран.
„Во текот на денешниот ден ќе бидат поднесени пријави за шест лица, против четворица малолетници, а и против еден професор“ изјави Јанкулоска.
Инцидентот се случи во вторник околу 14.40 часот во дворот на хемиското училиште. Шест лица, меѓу кои четворица малолетници и 32-годишниот обезбедувач и 25 годишниот професор, нападнале двајца шеснаесетгодишни ученици со тупаници и клоци и боксирачи.
Учениците побарале лекарска помош при што им биле констатирани повреди во пределот на главата и телото. Сега се наоѓаат на домашно лекување./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.