Спорт
„Рамос е најдобар, ќе игра уште шест години“

Капитенот на Реал Мадрид Серхио Рамос, според неговиот поранешен соиграч Рафаел ван дер Варт е најдобриот одбранбен фудбалер во светот. Рамос има големи заслуги за титулата во Ла Лига која оваа сезона ја освои Реал.
„Сметам дека тој е најдобриот дефанзивец во светот“, рекол Ван дер Варт.
„Кога јас бев во Реал тој имаше 21 или 22 години. Енергијата извираше од него, сакаше да биде секаде и да прави сѐ. Сега е поинаков. Созреа, го користи својот талент на најдобар можен начин. Стана машина. Неодамна го гледав и се запрашав колку години има. 34? Сигурен сум дека на ова ниво може да игра уште шест години“.
Реал за три дена ќе го одигра осмина-финалниот реванш во Лигата на шампионите против Манчестер сити. Рамос ќе го пропушти дуелот поради суспензија, тој во финишот на првиот меч кој заврши со победа на Сити (2:1) доби црвен картон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Матиќ блиску до трансфер во Ајакс

Немања Матиќ го напушти Олимпик Лион, откако согодбено се раздели со клубот.
Според холандските медиуми, Ајакс бара искусен играч од средниот ред, а поранешниот капитен на српската репрезентација е една од опциите.
Менаџерите на Ајакс не се загрижени од фактот дека Матиќ има 36 години, а она што ги прави среќни е што тој би можел да дојде како слободен играч.
Покрај Ајакс, интерес за Матиќ покажа и Валенсија.
Foto/ EPA
Спорт
Челзи се отворени за преговори, Баерн го сака Нкунку

Баерн Минхен тргна по Кристофер Нкунку, а од Челзи е отворени за преговори.
Откако Штутгарт ги отфрли сите понуди за Нико Волтемаде, Баерн Минхен беше принуден да се сврти кон други цели, сега главна е Кристофер Енкунку.
Французинот долго време се поврзуваше со Баерн, но до денес немаше конкретни преговори.
Челзи сака да го продаде, Баерн се обидува да го заврши договорот како позајмица со право на откуп. Сепак, продажбата не е невозможна, особено поради фактот што Челзи е подготвен да преговара за сума до 40.000.000 евра.
Винсен Компани верува дека Енкунку може да биде одлична опција, кога во тимот долго време ќе го нбема повредениот Џамал Мусијала, но и подоцна како замена за Хари Кејн, бидејќи покрива повеќе позиции во нападот.
Тој беше поврзуван со Интер, но конкретни преговори меѓу двете страни немаше. Енкунку сака да се приклучи на Баерн и чека исход од преговорите со Челзи.
Фото/ Принтскрин
Спорт
Олимписките објекти во Лос Анџелес ќе ги носат имињата на спонзорите

Организацискиот комитет на Олимписките и Параолимписките игри во Лос Анџелес во 2028 година објави дека арените во тој град ќе носат имиња на спонзори, што е прв пат во историјата на ова натпреварување.
„Овие револуционерни спонзорства не само што ќе донесат значителни приходи за „ЛА28“, туку ќе воведат и нови деловни практики што ќе и користат на целата Олимписка акција“, рече претседателот на Организацискиот комитет, Кејси Васерман, додавајќи дека одлуката е донесена со одобрение од Меѓународниот олимписки комитет (МОК).
Организаторите ги објавија имињата на првите два спонзори, па така терените за сквош ќе го носат името на медиумската компанија „Comcast“, додека одбојкарските сали во Анахајм ќе го носат името на јапонската компанија „Honda“.
Компаниите што веќе имаат имиња на спонзори на олимписките објекти (како стадионот SoFi) ќе имаат можност да ги задржат имињата.
Олимписките игри во Лос Анџелес се закажани од 14 до 30 јули 2028 година.
Фото/ Принтскрин