Забава
Тајванска авиокомпанија нуди лет без дестинација
Тајван продолжува да се грижи за своите жители желни да патуваат нудејќи ново искуство – лет без дестинација, јавува Си-ен-ен.
По понудата во која Тајванците беа во можност да се најават и да се качат на приземјените авиони на аеродромот „Сонгшан“ во јули, една авиокомпанија отиде чекор подалеку и понуди лет без дестинација.
„ЕВА ер“, една од најголемите авиокомпании на Тајван, понуди лет на 8 август на Денот на татковците за да ги задоволи потребите за патување. Летот трае околу три часа и тргнува од аеродромот „Таојуан“ во Тајпеј и потоа се враќа на истото место.
„Меѓународниот воздушен сообраќај е приземјен повеќе од половина година“, се наведува во веб-страницата на „ЕВА ер“. „Желбата на граѓаните да заминат во странство е сè посилна. За да им се исполнат желбите на патниците, ‘ЕВА ер’ одлучи да понуди алтернативно патничко искуство на 8 август на Денот на татковците“.
Доколку денот биде ведар, патниците ќе може од воздух да ги видат атракциите, како што се островот Гуишан и живописното крајбрежје на Хуадонг, како и од околните острови.
Тие ќе летаат со суперпопуларниот авион „Хелоу Кити“ и патниците може да очекуваат дека понудата во летот ќе биде поврзана со бела фиктивна мачка, ќе имаат бесплатен интернет и други електронски услуги што обично се нудат само на долги летови.
Оброкот до осмисли готвачот Мотоказу Накамура, добитник на три ѕвезди „Мишелин“. Билетот во економската класа ќе чини 150 евра, а патниците ќе може да доплатат уште 30 евра за повисока класа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.