Свет
Експлозијата во Бејрут остави 300.000 луѓе без покрив над главата
Огромната експлозија во пристаништетто во Бејрут испрати шок-бранови низ градот предизвикувајќи масовно оштетување на градбите дури до периферијата на градот. Гувернерот на Бејрут, Марван Абуд, изјави дека најмалку 300.000 луѓе ги изгубиле своите домови и властите работат на обезбедување храна, вода и засолниште за нив, пренесува „Ал џезира“.
Либанскиот претседател, Мишел Аун, во средата свика итен состанок на кабинетот и рече дека треба да се прогласи двонеделна вонредна состојба по масовната експлозија, во која загинаа најмалку 100 лица, а беа повредени 4.000 други.
Официјални лица изјавија дека очекуваат бројот на загинатите да се зголеми бидејќи екипите за вонредни состојби сè уште копаат во урнатините во потрага по преживеани.
Причината за експлозијата сè уште не е позната, но властите ја поврзуваат со приближно 2.700 тони конфискуван амониумнитрат складиран во хангар во пристаништето.
Генералниот директор на пристаништето во Бејрут, Хасан Корајем, изјави дека во објектот бил складиран високоексплозивен материјал уште пред шест години, врз основа на судски налог, објави локалниот радиодифузер ОТВ.
Корајем посочи дека царинското одделение и државната безбедност побарале од надлежните органи да го извезат или отстранат материјалот, но дека ништо не се случило. Тој нагласи дека во близина немало складирани експлозиви.
Во меѓувреме, либанските власти решија да го користат пристаништето во Триполи како привремена замена за пристаништето во Бејрут, кое уништено од експлозијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
70-годишен маж застрелал девојче: му пречела вревата во дворот во Германија
Мајката Алиса Карина не можела да насети дека нејзиното дете од дворот ќе и се врати со рана на десната рака, бидејќи со однесувањето наводно ја налутило соседот Карл Хајнц М.(70) од Германија, па ја застрелал со воздушна пушка.
„Ќерка ми Мајли дојде од соседното игралиште викајќи: „Мојата рака, мојата рака!“, а потоа и видов дупка на надлактицата“, вели Алиса.
Остар проектил од воздушна пушка завршил длабоко во десната рака на Мајла, поради што имала комплицирана лекарска интервенција.
Соседот Карл-Хајнц М. (70) во вторникот се појавил пред судот во Бад Сегеберг каде рекол дека „пукал во врапче“.
„Не пукам во деца кои си играат. Имав проблем со врапче“, објаснил соседот во судот.
Порано се обидувал да ги исплаши птиците со петарди. Полицијата му запленила воздушна пушка и муниција, пренесува „Билд“.
Мајли е тешко болно девојче на кое му е дијагностициран тумор на мозокот и боледува од неизлечива болест неврофиброматоза, која предизвикува болни израстоци да се појавуваат како промени во нервното ткиво.
„Би сакал да ви се извинам за мојата глупост“, рекол соседот Карл и се согласил на итна исплата на отштета од 7.500 евра за девојчето, а судот го осудил на 16 месеци условна затворска казна, пренесува „Телеграф“.
Регион
Русија: Резолуцијата за Сребреница е опасна за мировниот процес во Босна и Херцеговина
Високиот претставник за Босна и Херцеговина Кристијан Шмит го поздрави усвојувањето на резолуцијата со која Генералното собрание на ОН го прогласи 11 јули за Меѓународен ден на сеќавање на геноцидот извршен во Сребреница, додека руската амбасада во Сараево рече дека тоа е „пораз за Босна и Херцеговина“, бидејќи тоа би го комплицирало процесот на помирување.
„Од најголема важност е општеството да ги отфрли сите обиди за минимизирање на сериозноста на геноцидот во Сребреница. Резолуцијата мора да послужи како катализатор за лекување и разбирање, наместо да биде искористена за тесни политички цели. Тоа не е чин насочен против српскиот народ или Република Српска. Секој обид оваа резолуција да се стави во таков контекст е погрешен и злонамерен“, рече Шмит.
Амбасадата на Русија во Сараево со коментар во кој тврдат дека е опасно за мировниот процес во БиХ, но и за стабилноста на регионот, пренесуваат регионалните медиуми.
Тие го обвинуваат Западот дека ја „турка“ резолуцијата на ист начин на кој, според нив, Шмит е незаконски назначен за висок претставник во Босна и Херцеговина, што, како што тврдат, дополнително ги продлабочило поделбите во меѓународната заедница.
Свет
Судот во Хаг му нареди на Израел да ја прекине офанзивата на Рафах
Меѓународниот кривичен суд во Хаг денеска одлучи дека Израел мора веднаш да ја прекине воената офанзива и другите дејствија во Рафах во Појасот Газа, наведувајќи го „непосредниот ризик“ за палестинскиот народ, јавува Би-Би-Си.
Барањето на Јужна Африка да му нареди на Израел да ја запре офанзивата во Рафах и да се повлече од Газа, дел од поширокиот случај во кој Израел се обвинува за геноцид, беше потврдено од Хашкиот трибунал.
Судијата Салам ја образложи одлуката со фактот дека моменталната ситуација во Газа повлекува значителни ризици од непоправлива штета на човековите права. Тој рече дека ситуацијата е променета откако судот ги издал претходните наредби и дека се исполнети условите за нови итни мерки за овој случај.
Судот му нареди на Израел да сведочи пред судот во рок од еден месец.
Медиумот потсетува, иако пресудите на МСП се правно обврзувачки, во пракса судот не може да ги спроведе.