Регион
Грчкиот парламент го прифати третиот пакет помош
Грчкиот парламент во петокот утрото, по целоноќната расправа, го прифати третиот пакет меѓународна финансиска помош во износ од дополнителни 85 милијарди евра, главно благодарејќи на гласовите на опозицијата. Законот беше прифатен со 222 гласа „за“, 64 „против“ и 11 воздржани пратеници.
Премиерот Алексис Ципрас ги повика пратениците пред гласањето да го поддржат договорот со меѓународните доверители, кој, како што оцени, ќе ѝ осигури „опстанок на земјата и продолжување на борбата“. Предупреди, неколку часа пред состанокот на министрите за финансии од еврозоната на кој ќе се одлучува дали ќе биде одобрен новиот пакет помош за Грција, дека меѓузаемот, заменското решение што го предлага Германија, всушност „бил враќање во бесконечната криза“.
„Некој тоа упорно го посакува, а ние сме договорни тоа да го спречиме, да не го олесниме тоа“, рече грчкиот премиер Ципрас по дебатата во парламентот која траеше цела ноќ кон петокот чија претседателка Зоја Константиоулу жестоко се противи на новиот пакет помош од 85 милијарди евра во замена за спроведување нови мерки за штедење.
Во грчкиот парламент целата ноќ се редеа жестоки дебати за новата програма помош којашто вклучува измени во пензискиот систем, намалување на државната потрошувачка, зголемување на даноци. На Ципрас му беше неопходно да добие одобрение од парламентот за ткн Меморандум за разбирање (MoU), за подоцна во петок да го усвои еврогрупата. Тоа би создало пристап за исплата на помошта на 20-ти август, кога доаѓа за наплата долгот од 3,3 милијарди евра кон Европската централна банка.
Во четвртокот дебатата по комисиите и натегањата околу процедуралните прашања траеја дури девет часа, па пленарната седница започна по полноќ и заврши со гласањето во 9 часот наутро.
Челникот на најлевата фракција во владејачката Сириза, Панајотис Лафазанис, поранешниот министер во владата на Ципрас, повика на основање ново движење против третата програма за надворешна финансиска помош на Грција во последните пет години кои вкупно надминаа 320 милијарди евра. Владата на тоа реагираше дека Лафазанис одлучил „да тргне по друг пат од оној по којшто одат владата и Сириза“. Владата претходно ја бранеше програмата како тешка, но неопходна за земјата да го избегне финансискиот колапс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.