Регион
Албанија со нов рекорд на заразени од коронавирус, во Косово 193 нови случаи

Во изминатото деноноќие во Албанија се дијагностицирани 154 нови случаи на коронавирус, што е највисока бројка во едно деноноќие досега.
Од новозаразените, 84 се од Тирана, по што следува Драч со 10 новозаразени. Починале уште пет пациенти или 213 до сега, а оздравеле 3.616 лица.
Досега се потврдени 6.979 позитивни случаи во земјата, од кои активни на болеста се 3.142 лица.
Во Косово, според последните податоци, регистрирани се 193 новозаболени во изминатите 24 часа. Починале 8 лица, а излекувани се 205.
Вкупно од појавата на епидемијата, во Косово досега се заразиле 10.988 лица. Од нив починале 373, а оздравеле 6.616. Активни носители на вирусот во земјата, според косовските здравствени власти, се 3.999 лица. Од почетокот на пандемијата се извршени вкупно 42.627 тестирања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин