Спорт
Крај на лудата серија – по 22 години, Сан Антонио и Попович без плејоф
По победите на Мемфис гризлис и Феникс санс, Сан Антонио спарс и нивниот тренер Грег Попович останаа без плејоф во НБА-лигата прекинувајќи ја серијата од неверојатни 22 години.
Последен пат Спарси не беа во плејофот во 1996/97, првата сезона на Попович на клупата на „мамузите“. Оттогаш следуваше фантастичната серија од 22 години плејоф и пет шампионски титули.
Последното плејин-место го освои Портланд трејлбејзерс кога стигна до тесна 134:133 победа над Бруклин нетс предводен од Демијан Лилард и неговите 42 поена. Со овој триумф Портланд го освои осмото место и дуел со Мемфис во плејин-серијата.
Кога во претходните два меча постгина по 51 и 61 поен, Лилард им помогна на Портланд (35-39) со 12 поени во последната четвртина вклучувајќи и една тројка од речиси половина терен. Портланд сега ќе игра со Гризлис в сабота и им е потребна една победа да го обезбедат местото во плејофот. Ако загуби, тимовите ќе играат повторно в недела, а победникот од оваа пресметка ќе игра со првите носители на Западот, Лос Анџелес лејкерс.
Јонас Валанчиунас и Џа Морант имаа трипл-дабл, за Мемфис да стигне до 119:106 победа над Милвоки за да остане жив во сезоната. Гризлис имаат 34-39 скор.
НБА
Портланд – Бруклин 134:133
Мемфис – Милвоки 119:106
Феникс – Далас 128:102
Јута – Сан Антонио 118:112
Вашингтон – Бостон 96:90
Орландо – Њу Орлеанс 133:127
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.

