Спорт
Меси, Тер Штеген и Де Јонг остануваат, другите може да си одат
По понижувачкиот пораз од Баерн Минхен, логично беше дека може да се очекуваат резови во екипата на Барселона.
Лисабонските 8-2 уште долго време ќе ги „печат“ сите што се на било кој начин поврзани со ФК Барселона.
По петочниот пораз во ЛШ, вчера се пренесе информацијата дека Кике Сетиен ќе добие отказ, но најверојатно на „Ноу Камп“ се подготвува комплетен ремонт.
Речиси сите играчи се на продажба, со исклучок на Лео Меси, Марк Андре Тер Штеген и Френки де Јонг, јавува „Мундо Депортиво“.
Ако се точни информациите на шпанскиот медиум, Барса размислува и за откази на играчи кои имаат уште година или две од нивните договори, под услов да добијат адекватна понуда.
Луис Суарез е првото од звучните имиња кое може „надвор“. Има договор уште една година, но е и „вредна карта“ за клуб кој планира да го доведе Лаутаро Мартинез во Каталонија. Уругваецот има опција да го продолжи договорот на уште една сезона, но останува да се види развојот на настаните.
Самуел Умтити е вториот скап играч на Каталонците кој е за продажба, иако има договор до 2023 година. Една од причините е лошата игра, втора се повредите, а трета е лошото однесување.
Слична е ситуацијата и со Усман Дембеле.
Иван Ракитиќ и пред дебаклот беше на листата за продажба.
Останува отворено прашањето за Жорди Алба. Има договор до 2024 година и откупна клаузула од 500 милиони евра.
„Мундо“ пишува и дека Гризман, Серхи Роберто, Нелсон Семедо, Артуро Видал лесно може да се случи да завршат со Барселона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.
Спорт
Брест не може на својот стадион да биде домаќин во ЛШ
Најголемото изненадување во Франција, Брест, кој како трет во француското првенство директно се пласираше во Лигата на шампионите, европските натпревари ќе ги игра на стадионот „Стад де Рудуру“ во Генгамп, најави градоначалникот на Брест, Франсоа Куиландре. Иако во игра беше и „Роажон парк“ во Рен, Куиландре истакна дека Рудуру е „најблискиот стадион до Брест“.
„Жал ми е што не е во Ле-Бле, но исто така ја зајакнува нашата идеја за изградба на нов стадион“, додаде тој.
„Стад Франсис-Ле-Блеу“, каде Брест игра во Лига 1, не ги исполнува стандардите што ги бара УЕФА за натпревари од Лигата на шампионите, особено затоа што три од неговите четири трибини се цевчести структури, што е забрането со континенталните прописи.
По техничкиот преглед на крајот на април, УЕФА го извести Брест дека, доколку не се изведат градежни работи, ќе им дозволи да играат на совјот стадион но тогаш капацитетот би бил само 5.000 места.
Брест мора да ја извести УЕФА до 22 мај каде ќе биде домаќин.
Брест пред неколку години започна проект за изградба на нов стадион со 15.000 седишта, чија изградба е планирана за 2025 година и кој не треба да биде завршен пред 2027 година.