Спорт
Вардар блесна во Струмица, домашни победи за Шкендија и Шкупи
Со денешните 4 натпревари се комплетираше второто коло во ПМФЛ.
Најинтересен беше дуелот во Струмица каде домаќинот Академија Пандев загуби од актуелниот шампион Вардар со 1-0.
Стрелец на единствениот погодок на „црвено-црните“ беше Дејан Блажевски од белата точка во 77 минута.
Инаку на мечот беа покажани два црвени картони, по еден во двата тима. Најпрво во 65 минута „поцрвене“ домашниот голман Алчевски, а во 93 минута предвреме натпреварот го заврши и Попзлатанов.
Во Тетово, екипата на Шкендија дојде до победа против Струга Трим Лум од 2-0. Стрелци на головите за домашната екипа беа Тотре во 38. и Дориев во 92 минута.
Во Велес, Борец и Ренова ги поделија бодовите, мечот заврши 1-1.
Поведе домаќинот со голот на Радовиќ во 40 минута, а конечниот резултат го постави Стоименовски, постигна автогол во 89 минута.
На стадионот во скопски Чаир, Шкупи со 3-1 славеше против Македонија ЃП. Стрелци за головите за домашната екипа беа Јусуфи (4 минута), Дарбо (пенал 76) и Дик во 93 минута.
Единствениот гол за гостите беше дело на Емини во 54 минута.
Второ коло, ПМФЛ:
Академија Пандев – Вардар 0-1
Борец – Ренова 1-1
Шкендија – Струга Трим Лум 2-0
Шкупи – Македонија ЃП 3-1
Вчерa:
Работнички – Беласица 2-0
Завчера:
Силекс – Пелистер 2-2
По две одиграни кола, дури 5 екипи се изедначени на врвот на табелата со по 4 бода, а единствени без бодови во воведните мечеви се струмичките екипи, Академија Пандев и Беласица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Зерби останува во Брајтон
Италијанскиот тренер Роберто Де Зерби нема намера да го напушти Брајтон по завршувањето на сезоната.
Медиумите на Островот пренесуваат дека италијанскиот стручњак ја одбил понудата на Баерн да го наследи Томас Тухел.
Покрај тоа, неговото име во последните недели се поврзуваше со Челзи, Милан, Ливерпул и Манчестер Јунајтед, но се чини дека тој ќе остане на југот на Англија.
Тој најави дека ќе следат разговори со првиот човек на клубот Тони Блум.
„Ќе разговараме со Тони Блум. Мислам дека би сакал да останам во Брајтон, бидејќи ги сакам овие играчи. Овој град, клубот, навивачите. Реков на средбата со навивачите, ако сум среќен, не постои клуб што ќе ме натера да го емнам тимот“, вели Де Зерби.
Неговиот тим моментално е на 12. место во Премиер лигата
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024