Македонија
Царовска: Се разгледува можноста за продолжување на обуката на средношколците во фабриките
Заменик-претседателот на Владата за економски прашања, Мила Царовска, и директорот на Делегацијата на германското стопанство во Северна Македонија, Патрик Мартенс, денеска одржаа онлајн состанок на којшто се разговараше за можностите за продолжување на практичната настава како дел од дуалното образование во компаниите во неколку градови низ државата во услови кога земјата и светот се соочуваат со Ковид-19.
На состанокот беше заклучено дека е неопходно учениците од стручните училишта кои се дел од дуалната настава практичниот дел да го поминуваат во производствените погони, но под силни протоколи за здравствена заштита за што во наредните неколку денови треба да се донесе и конечна одлука. Компаниите веќе ги имаат воспоставено протоколите за заштита од Ковид-19 коишто треба само да се почитуваат, а бројот на ученици коишто ги посетуваат фабриките не е голем. Според наставниот план за учебната 2020-2021 година, учениците од втора година вклучени во дуалното образование поминуваат еден ден во неделата на практична настава, а учениците од трета година два дена.
На состанокот, исто така, беше потенцирано дека повеќе компании коишто се веќе вклучени во дуалното образование се заинтересирани за спроведување на практичната обука во нивните производствени капацитети со што би се продолжила одличната соработка со нивните партнери училишта, но и обезбедувањето квалитетен и стручен кадар.
Дуалното образование коешто е по германски модел кај нас се спроведува од 2017 година со поддршка на германското стопанство. Во дуалното образование се вклучени 10 компании и средни стручни училишта од пет града од државата, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Студени утра, посвежи денови: променливо облачно време со сончеви периоди
Времето денес ќе биде променливо облачно со сончеви периоди. Во западните делови ќе дува умерен западен ветер.
Минималната температура ќе биде во интервал од -12 до -3, а максималната ќе достигне од 0 до 7 степени.
Во Скопје, променливо облачно и студено со сончеви периоди. Ќе дува слаб ветер од променлив правец.
Минималната температура ќе се спушти до -9, а максималната ќе достигне до 3 степени.
До крајот на седмицата ќе се задржи стабилно и суво време. Од среда по котлините ќе има услови за појава на магла, а температурата ќе биде во благ пораст.
Македонија
Без струја делови од Аеродром и Сопиште
Од ЕВН Македонија АД известуваат дека поради зафати во електродистрибутивната мрежа, на ден 13.01.2025 година ( вторник ) без електрична енергија ќе останат:
· од 09:00 до 14:00 часот, корисниците од дел од ул. Ѓорѓи Андреевиќ Кун. (општина Аеродром)
· од 09:00 до 15:00 часот, корисниците од ул. 23 Село Сопиште (со сите подулички). (општина Сопиште).
Фото: pexels
Македонија
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот. Според најновите информации, тој избегал и од државата.
„Министерството за внатрешни работи распиша меѓународна потерница по Саитов Саит (18) од Скопје од татко Берти и мајка Ганимете од Скопје. Лицето е барано по централна и меѓународна потерница по барање на ОЈО Скопје за кривично дело по член 300 од Кривичниот законик“, соопшти МВР.
Според истрагата, на 9 јануари, Саитов со „фолксваген пасат“ се движел по улицата „Народен фронт“ без да поседува важечка возачка дозвола. Тој се движел со неприспособена брзина и извршил непрописно поместување во левата коловозна лента, по што со возилото удрил во пешакот 79-годишната Љуба Јаковлеска. По несреќата, тој избегал.
фото/МВР

