Спорт
Клиперси ги стишаа „телињата“, Репторси со победа тргнаа во одбрана на титулата
НБА доигрувањата започнаа со победи на фаворитите.
Бранителот на титулата во НБА лигата, Торонто Репторс во првиот меч од плеј-офот на Истокот го совлада Бруклин Нетс со 134-110, додека Бостон Сектикс стигнаа до победа против Филаделфија со резултат 109-101.
Репторси немаа поголеми проблеми против десеткуваниот противник, но борбените Нетси во третиот период огромниот заостаток од -33 поени го донесоа само на -8. Сепак Канаѓаните рутинирано стигнаа до триумф, притоа погодувајќи 22 тројки што е клупски рекорд во плеј-офот.
Фред Ван Влит погоди 8 тројки од 10 обиди и со 30 поени (имаше и 11 асистенции) ги предводеше Репторси до триумфот.
Бостон Селтикс не импресионираа на стартот на доигрувањето, но сепак успеаја да поведат со 1-0 во серијата против „76-ките“.
Џејсон Татум со 32 поени и 13 скока и Џејлен Браун со 28 поени беа најдобри кај „детелинките“. Кај Филаделфија се истакна Џоел Ембид со 26 поени и 16 скока.
Во Западната конференција Денвер ја победи Јута по продолженија, 135-125, додека ЛА Клиперс славеа против Далас Маверикс триумф со 118-110.
Словенецот Лука Дончиќ беше најефикасен кај „телињата“ со 42 поени, со што стана најефикасниот дебитант во историјата на НБА плеј-офот.
Инаку, Клиперси до победата ги предводеше двоецот Каваи Ленард и Пол Џорџ со 29, односно 27 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Газета дело Спорт: Милан избра нов тренер
Хулен Лопетеги би требало да биде тренер на Милан од следната сезона, пренесува „Газета дело Спорт“.
Шпанецот ќе дојде на местото на Сзтефано Пиоли, кој по пет сезони ќе го напушти „Сан Сиро“.
На Пиоли му пресудија променливите резултати оваа сезона. Милан на половина од сезоната отпадна од трката за шампионската титула, испадна во групната фаза во Лигата на шампионите, се пресели во Лига Европа и доживеа елиминација во четвртфиналето од Рома.
Лопетеги го напушти англискиот премиерлигаш Вулверхемптон претходно оваа сезона и оттогаш е без работа. Тој беше шпански селектор од 2016 до 2018 година, доби отказ неколку дена пред стартот на Светското првенство во Русија, бидејќи потпиша договор со Реал.
Мандатот во „кралскиот клуб“ му траеше само пет месеци, потоа се пресели во Севилја со која имаше успешни две сезони.
Спорт
Обрадовиќ потпиша нов договор со Партизан
Жељко Обрадовиќ ќе остане на клупата на кошаркарскиот клуб Партизан.
Српските медиуми објавија дека трофејниот тренер потпипал нов двегодишен договор. Клубот не ги објави финансиските детали.
Обрадовиќ, во Паризан се врати пред три години. Минатата сезона го освои првиот трофеј по враќањето, Партизан ја освои АБА лигата. Во Евролигата, во пет натпревари бее елиминиран во четвртфиналето од Реал Мадрид.
Спорт
Квалификант го победи Циципас на Мастерсот во Мадрид
Победникот на Мастерсот во Монте Карло и минатонеделниот финалист во Барселона, Стефанос Циципас, доживеа шокантна елиминација на Мастерсот во во Мадрид.
Гркот, во второто коло доживеа пораз од 118. играч на АТП листата, Бразилецот Чиаго Монтеиро со 6:4, 6:4. Мечот во центарот на Каха Махика траеше 97 минути.
Еден брејк му беше доволен на Монтеиро да го добие првиот сет, до него дојде во третиот гем.
Со исклучок на вториот гем, Монтеиро испушти само еден поен на свој сервис.
Сигурно сервираше и во вториот сет, а веднаш на почетокот направи брејк и поведе со 2:0.
На 5:3 имаше две меч топки на сервис на Циципас, но не ги искористи, а го реши мечот со сигурни сервиси кога ја искористи четвртата меч топка. Бразилецот на свој сервис освои 89 отсто од поени.
Во третото коло Монтеиро ќе игра против Јиржи Лехечка, кој со 7:5, 6:4 го победи Хамад Меѓедовиќ.
The PERFECT match 💫
Making 89% of his first serves (!), @dThiagoMonteiro stuns Tsitsipas 6-4 6-4 for the greatest (completed) ATP win of his career!#MMOpen pic.twitter.com/kUHUoPvUzj
— Tennis TV (@TennisTV) April 27, 2024