Спорт
Милионите на „Светците“ против „биковите“ од Лајпциг, Нејмар и Мбапе на тест

Во недела 23 август во Лисабон ќе се судрат двата најдобри фудбалски тимови во Европа, барем сезонава, а таму ќе се најде еден од денешните ривали во Лигата на шампиони – француски ПСЖ или германски РБ Лајпциг.
Малку традиција, многу пари, но затоа истата цел, стадионот „Жозе Алвеладе“ во Лисабон, во недела и престижниот пехар „со големите уши“.
Вечерва во 21 часот се игра првото полуфинале во ЛШ меѓу два клуба чии сопственици покажаа дека во модерниот фудбал со вложување може да се стигне до највисока цел.
Вечерва ќе биде ученикот против учителот, Нагелсман против Тухел.
„Мечевите против Томас се секогаш интересни, затоа што тој секогаш има добри идеи како би требало фудбалот да се игра. Често бевме на спротивите страни во Германија и ретко излегував како победник. Се надевам дека тоа ќе се промени. Се надевам дека ќе одиграме како против Атлетико, но би бил задоволен и ако изиграме лошо, а влеземе во финале“ вели Нагелсман.
Лајпциг е „клуб на 21 век“, основан во 2009 година. Тргнаа од петтата лига во Германија, но силниот спонзор (Ред Бул) за кратко време ги донесе до врвот на светскиот фудбал.
Лајпциг во тимот има многу млади фудбалери кои во потполност не се афирмирани, но на теренот играат одличен фудбал предводени од 33-годишниот стратег, Јулијан Нагелсман.
Улогата на фаворит е за ПСЖ кој во судиското надополнување успеа да ја „прескокне“ Аталанта.
Од осоколениот Нејмар и опоравениот Мбапе се очекува најмногу, но „биковите“ покажаа дека од никого не се плашат.
Клубот со газди од Катар кој го вчудоневиди фудбалскиот свет кога во 2017 година за двајца фудбалери потроши вртоглави 400 милиони евра (Нејмар и Мбапе) е решен да оди до самиот крај. Сепак има респект за противникот.
„Тие се млад и амбициозен тим, одиграа многу доминантно против Атлетико. Имаме квалитетни и талентирани играчи и мора да дадеме се од себе за да победиме“ вели стрелецот на израмнувачкиот гол против Аталанта, Бразилецот Маркињос.
Полуфиналниот дуел започнува во 21 часот на „Луж“ во Лисабон, а судија на мечот ќе е Кујперс, од Холандија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дуран по само шест месеци го напушти Ал Наср

Foto/ EPA-EFE/ADAM VAUGHAN
Колумбискиот напаѓач Џон Дуран (21) по само шест месеци си замина од Ал Наср. Во јануари Астон Вила го продаде Дуран во Ал Наср за 77 милиони евра и потенцијални бонуси.
Во клубот од Ријад, главниот град на Саудиска Арабија, играше со Кристијано Роналдо, но не успеа да ја освои титулата. Дуран постигна 12 гола на 18 настапи, а сега го напушта клубот и се враќа во Европа.
Иако потпиша договор до 2030 година, тој оди на позајмица во Фенербахче. Таму ќе ја преземе улогата на Един Џеко под водство на Жозе Мурињо.
Дуран се проби низ МЛС, од каде, по 27 натпревари и осум гола за Чикаго Фаер, замина за Астон Вила за нешто помалку од 18 милиони фунти. Имаше само 19 години.
Спорт
Перикар „испука“ сервис од 246 километри на час

Францускиот тенисер Џовани Мпеши Перикард го сруши рекордот на Вимблдон на првиот ден од третиот Гренд слем во сезоната.
Тенисерот, познат по својот убиствен сервис, го оправда својот углед во натпреварот од првото коло против Тејлор Фриц.
Во првиот поен, тој сервираше со брзина од 239,8 километри на час, соборувајќи го рекордот на Тејлор Дент од 2010 година (238,2).
Тоа не беше доволно за Перикард, па во истиот гем „испука“ сервис од неверојатни 246,2 километри на час.
Интересно е што дури ни тоа не му беше доволно за да го освои тој поен.
Перикар беше блиску до победа над фаворизираниот Американец (четврти ноосител на турнирот), но го загуби четвртиот сет (7:6, 7:6, 4:6, 6:7) по што натпреварот беше прекинат.
Причината се строгите правила на Вимблдон дека нема игра по 23 часот.
До тој момент, тој сервираше 33 аса.
Спорт
Инзаги: Се искачивме на Монт Еверест без кислород

Симоне Инзаги, тренерот на Ал Хилал, им честиташе на своите играчи за пласманот во четвртфиналето на Светското клупско првенство.
Тимот од Ријад ги елиминираше „граѓаните“ во осминафиналето на Светското клупско првенство по продолженијата (4:3), со што го направи најголемото изненадување на турнирот.
„За овој резултат, клучни се играчите и храброста што ја покажаа на теренот. Моравме да направиме нешто посебно со оглед на тоа што сите ја знаат силата на Манчестер сити. Моравме да се искачиме на Монт Еверест без кислород и успеавме во тоа“, рече Инзаги по натпреварот.
Во четвртфиналето, Ал Хилал ќе игра против Флуминензе, кој претходно исто така неочекувано го елиминираше Интер.