Спорт
Шпанија со седум дебитанти против Германија и Украина

Селекторот на Шпанија Луис Енрике го објави сисокот на фудбалер за мечевите со Германија и Украина во Лигата на нации. Енрике во репрезентацијата повика седм дебитанти. На списокот на шпанскиот селектор нема ниту еден фудбалер на Атлетико Мадрид, иако стандардни во „црвената фурија“ кај Енрике беа Саул и Алваро Мората.
Дебитанти во репрезентацијата се голманот Унаи Симон, Серхио Регуилон, Ерик Гарсија, Ансу Фати, Адама Траоре, Феран Торес, Микел Мерино и Оскар Родригез.
Списокот на Луис Енрике.
Голмани: Де Хеа (Манчестер Јунајтед), Кепа (Челси), Симон (Атлетик Билбао)
Одбрана: Карвахал, Рамос (Реал Мадрид), Регуилон, Хезус Навас (Севилја), Пау Торес (Виљареал), Диего Љоренте (Реал Сосиедад), Хосе Гаја (Валенсија), Ерик Гарсија (Манчестер сити)
Ред за врска: Фабијан Руиз (Наполи), Тијаго (Баерн Минхен), Родри (Манчестер сити), Бускетс (Барселона), Олмо (Лајпциг), Микел Мерино (Реал Сосиедад), Оскар Родрогез (Реал Мадрид)
Напад: Родриго и Феран Торес (Валенсија), Ојерзабал (Реал Сосиедад), Адама Траоре (Вулверхемптон), Асенсио (Реал Мадрид), Ансу Фати (Барселона).
Шпанија на 3 септември гостува кај Германија, а три дена подоцна ќе ја пречека Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Агаси: Алкарас е вонземјанин

Андре Агаси беше воодушевен од начинот на кој Карлос Алкараз го освои Ролан Гарос.
Шпанецот, по пресврт, го победи Јаник Синер по пет сета епска битка и го освои петтиот Гренд слем во својата кариера.
Шпанскиот тенисер Карлос Алкараз го освои Ролан Гарос победувајќи го Јаник Синер со 3-2 во сетови по повеќе од пет и пол часа тенис.
„Алкараз ги има сите квалитети на големата тројка, па дури и повеќе. Тој се движи како вонземјанин, не игра дефанзивно дури ни кога е целосно во аголот“, изјави Агаси за „Punto de break“.
Агаси го спореди Алкараз со сите тројца членови на големата тројка.
„Мора да запомните, овој човек ја има дефанзивната брзина на Новак Ѓоковиќ, ако не и повеќе. Тој го има чувството на Роџер Федерер, ако не и повеќе. Тој го има темпото на Рафаел Надал, ако не и повеќе. Секако, сега сè мора да се вклопи. Само затоа што е подобар од тројцата големи во некои работи, не значи дека ќе го прави она што го направија тие. Погрешните одлуки, повредите и среќата имаат големо влијание. Многу фактори влијаат на нечија кариера.“
Спорт
Раниери има еден услов за да стане селектор на Италија

Италијанската фудбалска репрезентација е без тренер од вчера. Лучано Спалети доби отказ по дебаклот во Осло и поразот од Норвешка (3:0).
Прв избор на Италијанецот е Клаудио Раниери, кој се повлече од тренерската позиција во Рома и му ја препушти на Џанпјеро Гасперини, но идејата на семејството Фридкин и него самиот е тој да остане во Рим и да учествува во понатамошното функционирање на спортскиот сектор. Односно, планот е тој да биде менаџер кој ќе работи во соработка со Гасперини.
Затоа, Раниери е на пресвртница и како што објави Џанлука ди Марцио, единствениот начин за него е семејството Фридкин да даде „зелено светло“ за неговата двојна функција.
Раниери претходно ѝ вети на Рома и сака да си го исполни ветувањето, но поканата од репрезентацијата е нешто што не може да се одбие, па затоа го моли Фридкин за разбирање.
Средбата во Рим ќе се одржи денес и ситуацијата наскоро ќе биде решена. Доколку Раниери не ја преземе репрезентацијата, „аѕурите“ ќе се свртат кон Стефано Пиоли.
Спорт
Вирц и Ливерпул постигнаа договор, Баер бара повеќе пари

Сагата околу трансферот на Флоријан Вирц во Ливерпул продолжува. Клубот и фудбалерот постигнаа договор, но работата сè уште ја одложува Баер Леверкузен.
Германскиот клуб, чиј играч е сè уште Вирц, не ја прифати понудата на Ливерпул, кој понуди 100 милиони фунти плус 13 милиони за бонуси.
Баер сè уште инсистира на 126,4 милиони фунти, што е некаде околу 150 милиони евра.
Ливерпул одлучи да ја подигне скалата уште повеќе и според информациите од Островот, нуди 118 милиони фунти, што би бил британски рекорд. Британските медиуми веруваат дека Баер ќе го прифати ова, откако ќе се договорат деталите за бонусот.
Шампионот на Англија треба официјално да го доведе Милош Керкез од Борнмут во наредните денови.