Европа
Каспаров за труењето на Навални: Не навредувајте ми ја интелигенцијата, зад ова стои Путин
Познатиот шахист и дисидент Гари Каспаров не се сомнева дека самиот Путин стои зад труењето на неговиот политички опонент Алексеј Навални.
Тој синоќа објави серија твитови за тоа.
„Труењето на Алексеј Навални уште еднаш докажува дека атентатите се дел од политиката на Путин – во Русија и во странство. Не сакам да слушам никакви глупости за тоа дали Путин знаел или за одметнати елементи. Путин не го интересира како тоа изгледа, тој е заинтересиран за тоа дали методот функционира. А очигледно смета дека функционира затоа што упорно продолжува да го применува“, коментира Каспаров на „Твитер“.
Alexei Navalny’s poisoning again demonstrates that for Putin, assassination is policy—inside and outside of Russia. https://t.co/dotetp7mpf
— Garry Kasparov (@Kasparov63) August 20, 2020
„Не навредувајте ја мојата интелигенција со нагаѓања дека некој би можел да му направи нешто на Навални без одобрение од Путин. Истото важи и за убиствата на Немцов, Политковскаја и Литвиненко. Никој не би презел таков ризик врз себе. Ова е политика и тоа политика на Путин“, напиша Каспаров.
Don’t insult my intelligence by suggesting that anyone would act against Navalny without Putin’s approval. As with Nemtsov’s murder, as with Politkovskaya’s, as with Litvinenko’s. No one would take such a risk. It’s policy, and it’s Putin’s.
— Garry Kasparov (@Kasparov63) August 20, 2020
„Владеењето на теророт на Путин ќе продолжи сè додека не биде запрен. Диктаторите не застануваат сами. Но, во слободниот свет сè уште има гласови кои бараат рестарт и ангажман, што со други зборови значи препуштање, тие имаат крв на рацете. Му посакувам на мојот сонародник Навални целосно и брзо закрепнување од труењето. И апелирам до слободниот свет да се обединиме против најголемиот отров – диктатурата на Путин, наместо да се чека повторно да нападне“, заклучува Каспаров.
На Навални, кој предводеше серија протести против администрацијата на Путин, вчера му се слоши на лет од Томск кон Москва.
Поради неговата влошена состојба, авионот принудно слета во сибирскиот град Омск. Неговите соработници велат дека му бил ставен отров во чајот што тој го испил непосредно пред летот.
Here’s Navalny drinking the tea in the Tomsk airport. The same person also published a video of Navalny screaming in pain in the toilet, which I won’t link to pic.twitter.com/OaDeZTqesj
— max seddon (@maxseddon) August 20, 2020
Денеска руските доктори не дозволија опозиционерот, кој е во кома, да биде транспортиран во странство за понатамошно лекување.
Неговата портпаролка рече дека лекарите подлегнале на притисокот од руските власти, додека главниот лекар во болницата во сибиркиот град тврди дека одлуката е донесена бидејќи Навални сè уште не е во доволно добра состојба за да може да патува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.