Спорт
Левандовски – полскиот „убиец“ кој има бизарни „рецепти“ за успех
Пеп Гвардиола порано го опиша Роберт Левандовски како „најпрофесионален фудбалер на светот“, човек кој секогаш размислува за вистински начин на исхрана, спиење и тренирање.
32-годишниот Полјак, кој постигна неверојатни 55 голови оваа сезона, се трансформираше во еден од најдобрите напаѓачи во неговата генерација, но со помош на неговата сопруга, поранешната карате шампионка Ана.
Еден начин на кој ја оддржува оваа форма е јадењето на десертот пред главното јадење со цел да се согори благото јадење и да се спречи мешањето со протеините кои се јадат подоцна. Потоа, по консултации со специјалисти за спиење, Левандовски спие само на левата страна за да ја сочува својата посилна десна нога.
Потоа, Левандовски по совет на сопругата, наместо да чита книги го тренира својот мозок со видео-игри, а суеверието да ја облекува левата копачка прва пред секој меч е добро промислено и доаѓа по разговор со психолог кој му советувал сите ритуали пред мечот да се извршуваат по одреден редослед.
За разлика од Кристијано Роналдо или Лео Меси, Левандовски не е човек роден со огромен талент. Тој не беше повикуван во јуниорските селекции на Полска и за разлика од Роналдо и Меси, тимот никогаш не бил граден околу него. Сегашната форма е само резултат на напорната и добро промислена работа, како и работата со специјални тренери како Јирген Клоп, Пеп Гвардиола, Карло Анчелоти, Јуп Хајнкес и секако, сегашниот Ханси Флик.
На свој начин, Левандовски се трансформираше во напаѓачки феномен, кој знае да игра од страните, во средината и секако, во шестнаесетникот. Вечерва ќе има шанса да биде херој на Баварците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бањаја ја освои Каталуња, Мартин втор, Маркез трет
Актуелниот шампион Пеко бањаја победи на трката за Големата награда на Каталуња. Возачот на Дукати победи пред лидерот во првенството, Хорхе Мартин (Прамак Дукати) и Марк Макркез (Гресини Дукати).
Бањаја на најдобар начин се рехабилитира за вчерашната грешка во спринт трката, кога како лидер падна и не ја заврши трката. Италијанецот стартуваше добро, ја презеде лидерската позиција. До крајот на петтиот круг го престигнаа Педро Акоста и Хорхе Мартин.
Додека Мартин напред се обидуваше да изгради некаква предност, Бањаја се бореше со Акоста. Дебитантот не успеа да го издржи притисокот, направи грешка заврши надвор од патеката, а потоа Бањаја тргна во лов на Мартин.
Успеа да го престигне на шест круга до крајот. а потоа со речиси две секунди предност како прв ја мина целта.
Третото место му припадна на Макрз, кој имаше уште една одлична трка, бидејќи од 14.место успеа да дојде до подиумот.
Вчерашниот победник во спринт трката, Алеиш Еспаргаро, кој се повлекува на крајот од сезоната, последната трка пред своите навивачи ја заврши на четвртото место.
Генерален пласман: Хорхе Мартин (Прамак Дукати) 155, Франческо Бањаја (Дукати) 116, Марк Маркез (Прамак) 114, Енеа Бастианини (Дукати) 94…
Следната трка во Мото Гп шампионатот ќе се вози во Муџело, Италија.
Спорт
Челси сака да ја „одработи“ казната и да ја прескокне Конференциската лига
Победата на Манчестер јунајтед против Манчестер сити во финалето на ФА Купот во саботата попладне (2:1) го испрати Челзи во Конференциската лига. Сепак, англиски „Телеграф“ навестува дека Челси ќе се обиде да го прескокне ова натпреварување.
Челзи во саботата навечер на својата веб-страница и социјалните мрежи објави дека следната сезона ќе игра во Конференциската лига, но на Островот се шират шпекулации дека тоа нема да биде случај.
Се шпекулира дека Челзи би можел да го следи примерот на Јувентус од минатат сезона.
Јувентус постигна договор со Европската фудбалска унија да се повлече од Конференциската лига и со тоа практично да ја одработи казната поради прекршување на правилата на финансискиот фер-плеј.
Токму тоа го наведува „Телеграф“ во написот на Мет Лоу, кој нагласува дека УЕФА ги контролира финасиите многу построго од Премиер лигата.
Понатамошната логика е јасна, ако Челзи веќе мора да прескокне сезона во Европа, тогаш најлесно е тоа да биде сезона во третото најсилно европско натпреварување.
Дали ќе биде така и дали Њукасл ќе го замени Челзи во Конференциската лига ќе биде познато наскоро.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.