Регион
Во Албанија 19 отсто од тестираните, а во Косово 24 се позитивни на коронавирус за еден ден
Висок е процентот на новозаразени во Албанија и Косово, во споредба со направениот број на тестирања за едно деноноќие.
Во Косово позитивни се 24 отсто од тестираните
Во Косово во текот на вчерашниот ден регитрирани се нови 111 заразени од 448 извштени тестирања, што е околу 24,7 проценти од тестираните.
Вкупната бројка на заболени од Ковид-19 од почетокот на епидемијата достигна до 12.448.
Во изминатите 24 часа починаа десетмина заболени од Ковид-19, со што бројот на жртви од епидемијата на новиот коронавирус достигна 467 лица.
Вчера во Косово позитивни беа 25 проценти од тестираните.
Во Албанија заразени се 19,3 проценти од тестираните во изминатото деноноќие
Во Албанија во изминатите 24 часа позитивни се 152 лица од 785 тестирани случаи, што е 19,3 проценти од тестираните. Вкупната бројка на заразени од почетокот на пандемијата се зголеми на 8.427 лица од вкупно тестираните 56.057, а починале 250 лица досега.
Високата бројка на новозаразени со Ковид-19 во Албанија во континуитет е присутна во овој месец, со оглед што дневно се регистрираат по најмалку 150 случаи.
Во Бугарија и Србија процентот на новозаразени денеска е помал.
Во Бугарија денеска 2,8 отсто од тестираните се позитивни на вирусот
96 лица се позитивни на Ковид-19 во последните 24 часа во Бугарија од направени 3.402 тестови. Тоа е 2,8 отсто.
Во Бугарија за 24 часа починале шест лица.
Србија со 109 новозаразени, 1 отсто од тестираните во изимнатото деноноќие
Во Србија бројот на новозаразени во однос на тестираните е околу 1 отсто. Така, во последните 24 часа починале три лица а регистрирани се уште 109 нови случаи на заразени со вирусот. Во последните 24 часа на коронавирус во таа земја биле тестирани 6.939 лица.
Вкупно во Србија се направени 869.668 тестови.
Вкупниот број на починати од Ковид-19 изнесува 698 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.