Црна хроника
Пијан со нож нападнал обезбедувач во охридски ноќен клуб

Пијан охриѓанец со нож, тупаници и клоци нападнал 25-годишен обезбедувач во охридскиот ноќен клуб „Дак“, откако на девојката што била со него и побарал лична карта.
Инцидентот со случил во недела околу 01:35 часот. Откако обезбедувачот се посомневал дека девојката е малолетна и и побарал лична карта за идентификација, нејзиниот придружник извадил нож и почнал да мафта со него, а потоа со тупаници го нападнал припадникот на обезбедувањето, кој паднал на земја, и продолжил да го удира со клоци по телото.
Напаѓачот е приведен од охридската полиција. По извршениот алкотест, утврдено е присуство на алкохол во крвта од 1,18 промили. Од него е одземен и нож на преклоп. По расчистувањето на случајот, полицијата ќе поднесе соодветна пријава против него. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Пожар зафати автомобил вечерва во Кавадарци

Пожар зафати автомобил вечерва во Кавадарци, а пожарникарите од Територијалната противпожарна единица се на терен и интервенираат на лице место.
Се работи за автомобил форд фокус.
Црна хроника
Едно лице загина, а две се тешко повредени во сообраќајка кај Кратово

Во тешка сообраќајна несреќа што се случи вчера попладне на регионалниот пат кај местото викано Превалец, во атарот на селото Трновац, кратовско, едно лице го загуби животот, а две лица се тешко повредени.
Несреќата се случила околу 14:24 часот меѓу товарно возило фиат добло со скопски регистарски ознаки, управувано од Љ.Т.(54) од Скопје, и патничко возило дачиа сандеро со кавадаречки регистарски таблички, управувано од С.В.(33) од Скопје.
Во судирот на самото место починал сопатникот од товарното возило, А.А.(38) од Скопје, чија смрт била констатирана од лекар. Со тешки телесни повреди се здобиле двајцата возачи, кои биле пренесени во Комплексот клиники „Мајка Тереза“ во Скопје.
Увид на местото извршиле јавен обвинител и увидна екипа од СВР Куманово, а причините за несреќата се утврдуваат.
Црна хроника
Полицијата приведе маж, уништувал политички плакати

Жител на кавадаречкото село Ваташа бил приведен рано наутро поради уништување плакати на политичка партија на кавадаречко подрачје, соопштија попладнево од Секторот за внатрешни работи – Велес.
-Денеска во 2:45 часот, полициски службеници од ОВР – Кавадарци го приведоа 33-годишниот А.Ѓ. од село Ваташа, кавадаречко, затоа што, заедно со други лица, уништувал плакати на политичка партија во Кавадарци и кавадаречко. А.Ѓ. е задржан во полициска станица и по документирање на настанот, против него ќе биде поднесена соодветна пријава, појаснија од СВР – Велес.