Свет
Трамп: Ако не бев кандидат, државата ќе отидеше во погрешна насока
Доналд Трамп им порача на делегатите на републиканската конвенција дека државата би се движела во погрешен правец, доколку тој не беше реизбран за кандидат на претседателските избори.
„Нашата земја може да се движи во ужасна насока или да биде уште подобро“, рече Трамп, додавајќи дека годинешните претседателски избори се најважни во историјата на САД.
Тој дојде ненајавен на републиканската национална конвенција во Северна Каролина, на која денеска беше избран со гласање на делегатите да биде кандидат на републиканците на претседателските избори во ноември, каде противник ќе му биде демократскиот кандидат Џо Бајден.
Во своето обраќање пред делегатите, Трамп ги обвини демократите дека ја користат загриженоста на гласачите за коронавирусот, со цел да ги „украдат“ следните избори. Тој додаде дека демократите можат да победат само на лажирани избори.
Американците, како што рече тој, знаат да се заштитат од вирусот и можат да излезат на гласање, без потреба да гласаат по пошта, и додаде дека овој вид гласање може да се манипулира.
Републиканската конвенција трае од денес до 27 август и покрај тоа што, за разлика од демократите, тие гласаа во живо, собирот ќе продолжи главно преку видеоврска, а бројот на присутни делегати е намален на околу 300.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.