Спорт
Лео Меси веќе направил одлука, наскоро ќе објави дека заминува од Барса?

Лионел Меси веќе направил одлука околу неговата иднина во Барселона, тврди аргентинскиот спортски весник „Оле“, кој додава дека само капитенот и неговото најблиско семејство ја знаат одлуката и таа наскоро ќе биде објавена јавно.
Налутен по сезона без трофеи на „Ноу Камп“ и обременет со различни скандали во тимот, Меси, наводно веќе му кажал на новиот тренер Роналд Куман дека е поблиску до заминување од клубот по состанокот во четвртокот. Сега, по вестите дека Куман во 60-секунден телефонски разговор му кажал на блискиот пријател на Меси, Луис Суарез дека не смета на него, се верува дека тоа е „клучниот“ момент во приказната.
Барселона ќе почне со тренинзите на 31 август, а Меси има уште една година од неговиот договор, така што ќе може да замине без паричен надомест следното лето од клубот во кој е од својата младост.
По ова доаѓаат шпекулациите дека Пари Сен-Жермен, Манчестер сити и Интер се подготвени да направат операција за носење на освојувачот на шест „Златни топки“ ова лето, иако е тешко да се верува дека Барселона ќе го даде така лесно. Барселона веќе објави дека ако некој сака да го купи Меси ќе треба да ја плати неговата клаузула од неверојатни 700 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.