Свет
(Видео) Кинески дипломат: Австралија ја навреди Кина со барањето истрага за коронавирусот
Австралиската влада денеска беше обвинета за повреда на чувствата на Кина откако го предводеше глобалниот притисок за независна истрага за изворот на пандемијата на коронавирусот, пренесува „Ес-би-ес њуз“. Тоа го посочи еден од највисоките кинески дипломати во Австралија, категорично одбивајќи да потврди дека Ковид-19 потекнува од Вухан.
Ванг Сјининг, заменик-шеф на мисијата во кинеската амбасада во Австралија, во ретко обраќање во националниот прес-клуб во Канбера рече дека фокусот на Австралија врз утврдувањето на потеклото на коронавирусот ги оштетил меѓународните односи и го повредил населението на Кина.
„Тоа ги повредува чувствата на кинескиот народ… Одеднаш тие ја слушнаа оваа шокантна вест за предлогот од Австралија за која се верува дека е добар пријател на Кина“, рече Ванг.
Австралија беше една од првите земји што го притисна Светското собрание за здравство, управното тело на СЗО, за сеопфатна, независна и непристрасна истрага за изворот на пандемијата на коронавирусот.
Иако други земји застанаа зад повикот, се чини дека Кина не ѝ простила на Канбера што го искажа своето мислење и го предизвика Пекинг на дипломатската сцена. Ванг призна дека Кина е навредена и посочи дека верува оти притисокот од Австралија бил неправеден зашто се засновал на претпоставката дека Вухан е извор на вирусот.
„Веруваме дека овој предлог беше насочен само против Кина затоа што во тоа време австралиските министри тврдеа дека вирусот потекнува од Вухан, од Кина и не укажаа на други места како можен извор. Сметаме дека тоа не е фер“, рече тој.
Австралијците беа и меѓу најгласните критичари на опасното одбивање на Кина да ги затвори пазарите за кои се смета дека се основа за вирусот.
Ова не е првпат Кина да навести трговски контрамерки против Австралија. Во април имаше предупредувања и од амбасадорот на Кина во Австралија, Јингје Ченг, дека Австралија ќе плати економска цена поради својот повик за истрага, потег опишан од еден австралиски министер како закани за економска изнуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.