Спорт
Кирјос: Новак можеби е шампион, но е човек без лидерство и скромност
Ник Кирјос не може да престане да зборува за светскиот рекет број 1, Новак Ѓоковиќ, откако повторно изјави дека Србинот нема лидерство и скромност по организирањето на „Адрија турнејата“ ова лето по која повеќе тенисери беа позитивни на корона вирус, вклучувајќи го и самиот Ѓоковиќ и неговата сопруга.
Кирјос коментираше откако Ѓоковиќ, кој игра на Синсинати Мастерсот беше запрашан дали е можно да ја заврши 2020 без пораз, откако има 20-0 скор досега во сезоната прекината поради корона вирусот.
„Пеколен тенисер. Може да биде непоразен во 2020, тоа не можете да му го одземете. За жал, требаше да покаже малку лидерство и скромност, но тоа го нема. Затоа мнозинството би кажало дека тој загуби“, вели Кирјос.
Ѓоковиќ, Григор Димитров, Борна Чориќ и Виктор Троицки имаше позитивни тестови по учеството на „Адрија турнејата“, двата турнири во Белград и Загреб во јуни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

