Свет
Русија почна нова фаза на тестирање на вакцината против Ковид-19

Русија почна нова фаза на клиничко испитување на претходно одобрената вакцина против коронавирус наречена „Спутник V“, во која ќе учествуваат повеќе од 40.000 луѓе во Москва, објави рускиот Фонд за директни инвестиции (РДИФ).
РДИФ најави дека слични тестови ќе се одвиваат во уште пет земји.
Руските власти претходно објавија дека вакцината е безбедна и ефикасна, по два месеца тестирање во мал обем, чии резултати сè уште не се јавни.
Русија на средината на август објави дека ќе почне со производство на првата серија на вакцината, развиена од московскиот институт „Гамалеја“, најавувајќи дека ќе произведува околу пет милиони дози месечно до декември или јануари.
Вакцината беше одобрена пред вообичаените испитувања спроведени врз илјадници луѓе, познати како фаза III, кои се клучни за добивање зелено светло од регулаторите.
Вакцината „Спутник V“ е именувана по првиот сателит кој Советскиот Сојуз го лансира во 1957 година.
Претседателот Владимир Путин ја уверува јавноста дека вакцината е безбедна и кажа дека една од неговите ќерки ја примила вакцината и дека се чувствува добро по вакцинацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Граѓаните се судрија со полицијата во Нови Сад, фрлен солзавец

Пред зградата на судот и канцеларијата на државниот обвинител во Нови Сад, утрово се собраа голем број граѓани и студенти барајќи итно ослободување од притвор на шест активисти од опозициските организации СТАВ (Студенти против авторитарната влада) и ПСГ (Движење на слободни граѓани), јавува Н1.
Novi Sad – blokada suda upravo ‼️ pic.twitter.com/zZIb3jmTC0
— Stranka slobode i pravde (@SlobodaIPravda) May 15, 2025
Активистите се во притвор веќе 60 дена, а вчера судот им го продолжи притворот за дополнителни 30 дена.
Толпата се собра и пред задниот влез во зградата, каде што околу педесет вработени се обидоа да влезат на своите работни места. Во тој момент, настанала тепачка меѓу насобраните граѓани и припадници на интервентната полиција кои се обидувале да им дозволат на вработените да поминат.
Guranje građana i policije ispred suda u #NoviSad na protestu podrške novosadskim aktivistima u pritvoru. pic.twitter.com/w9kWQSSEB6
— Radio 021 (@Radio021) May 15, 2025
Кога не успеале да го сторат тоа, жандармеријата била повикана на помош, а припадници на силите пристигнале во голем број. Ситуацијата ескалираше кога, според сведоштвото на студентка за Н1, кон граѓаните во првите редови бил фрлен солзавец.
Novi Sad
Policija primenjuje nasilje ❗👇 pic.twitter.com/xqKX4kJmTS— Ne lomite mi bagrenje (@janjic_vladan) May 15, 2025
„Не го правете тоа на невооружени луѓе, што правите, не на мирни граѓани!“ еден граѓанин им извика на полицајците преку мегафон, додека толпата извикуваше слогани како „Србија!“ и „Пуштете ги сите!“
Свет
Руте: Останувам претпазливо оптимист во врска со можниот напредок во преговорите за Украина

Генералниот секретар на НАТО, Марк Руте, денес изјави дека е претпазливо оптимист во врска со можниот напредок во преговорите за Украина.
„Останувам претпазливо оптимист и мислам дека ако Русите се подготвени да ја играат играта, а не само Украинците, може да се постигне напредок во следните две недели“, рече тој по пристигнувањето во Анталија, за состанокот на министрите за надворешни работи на НАТО, пренесува Бета-АФП.
Но, за вистински да се продолжи со дискусиите, Русија мора да ја преземе и својата одговорност, рече Руте, потсетувајќи дека Украина, од своја страна, е подготвена да се вклучи во прекин на огнот и итни преговори.
Руските и украинските делегации се очекуваат денес во Истанбул, на првите директни разговори од пролетта 2022 година.
Деталите од состанокот, на кој рускиот претседател Владимир Путин одби да присуствува во оваа фаза, не се познати.
Свет
Повеќе од 40 мртви во ноќните напади врз Газа: мртовечниците преполни со тела

Откако прекинот на огнот меѓу Израел и Хамас заврши во март со израелски воздушни напади, бомбардирањата продолжија низ Газа.
Според податоците од болниците, повеќе од 40 лица се убиени во последните израелски напади низ Појасот Газа, јавува Би-би-си.
Според извештаите, најмалку 36 тела биле транспортирани во болници на југ, каде што во текот на ноќта било пријавено интензивно израелско бомбардирање.
Целта на нападот беше Кан Јунис, најголемиот град во јужна Газа.
Извор од болницата „Насер“ во Кан Јунис потврди дека меѓу загинатите има деца, вклучувајќи и едно бебе. Нападите погодија куќи и шатори каде што беа сместени раселени семејства во градот и неговата околина.
Локалните новинари известуваат дека мртовечницата на главната градска болница е преполна со тела, додека ходниците на одделот за итни случаи се полни со ранети.