Спорт
ЛШ: Пенал драма во Романија – Динамо Загреб се експерти за квалификациите
Динамо Загреб уште еднаш покажа дека е „мајсторски“ тим за мечевите од квалификациите за Лигата на шампионите, откако на тешкото гостување во Романија кај ЦФР Клуж по драматични 120 минути и пенал-серијата успеа да стигне до третото квалификациско коло.
„Модрите“ први дојдоа во водство преку Амер Гојак уште во 14-тата минута, меѓутоа мечот се смени во 51. минута кога Кевин Теофил-Константин доби црвен картон, а домаќините имаа шанса да израмнат со удар од белата точка. Сепак, Сипријан Деак го утна пеналот, пред Мишел Переира во 64. минута да израмни за романскиот шампион.
Кога се веруваше дека мечот ќе оди во продолженија, младиот косовски фудбалер од средниот ред, Љирим Кастрати ги шокираше Романците, но иронично, хрватскиот фудбалер, Габриел Дебељух им донесе продолженија на Клуж во 93. минута. По продолженијата, се изведуваа седум серии пенали, пред „модрите“ да се квалификуваат во третото квалификациско коло.
Другите клубови од регионот немаа толку среќа. Словенечкиот Целје загуби дома од Молде со 1:2, бугарскиот шампион Лудогорец дома со 0:1 загубија од Митјиланд од Данска, додека Сараево со 2:1 загуби на гостувањето во Белорусија кај Динамо Брест.
ЛИГА НА ШАМПИОНИ, 2.КВАЛИФИКАЦИСКО КОЛО
АЗ Алкмар (Хол) – Викторија Плзењ (Чеш) 1:1, 3:1 по продолженија
Целје (Сло) – Молде (Нор) 1:2
Карабаг (Азе) – Шериф Тираспол (Мол) 2:1
Судува (Лит) – Макаби Тел Авив (Изр) 0:3
Локомотива Загреб (Хрв) – Рапид Виена (Авт) 0:1
Лудогорец (Буг) – Митјиланд (Дан) 0:1
ЦФР Клуж (Ром) – Динамо Загреб (Хрв) 2:2, 5:6 пен.
Динамо Брест (Блр) – Сараево (БиХ) 2:1
Легија Варшава (Пол) – Омонија (Кип) 0:0, 0:2 по продолженија
Јанг Бојс (Шва) – Клаксвик (Исл) 3:1
Селтик (Шко) – Ференцварош (Унг) 1:2
ЦФР КЛУЖ – ДИНАМО ЗАГРЕБ
СЕЛТИК – ФЕРЕНЦВАРОШ
ЛУДОГОРЕЦ – МИТЈИЛАНД
ЦЕЛЈЕ – МОЛДЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)