Спорт
Меси прв пат снимен во јавноста откако објави дека ја напушта Барса

Лионел Меси пред два дена побара трансфер, сакал кариерата да ја продолжи во некој друг клуб. Неговата (не)очекувана одлука предизвика хаос на „Ноу Камп“, паѓаа оставки на раководните позиции и во Управниот одбор, новиот тренер Роналд Куман не знае со кои играчи ќе ја започне сезоната, а навивачите два дена протестираат пред клупските простории.
Шпанските медиуми тврдат дека одлуката на Куман буквално да го протера од клубот Луис Суарез имала големо влијание врз одлуката на Меси.
Аргентинецот по писмен пат го известил клубот дека бара договорот да му биде раскинат. Два дена го немаше во јавноста, а синоќа „Ел Чирингито“ го улови на тајна вечера со најдобриот пријател Луис Суарез.
Според новинарот веројатно е дека ова била проштална вечера на двајцата пријатели, бидејќи е извесно дека повеќе нема да бидат соиграчи. Меси се поврзува со Интер, ПСЖ и Манчестер сити, додека за Суарез се шпекулира дека ќе се пресели во САД, најверојатно во Интер Мајами.
??¡IMÁGENES EXCLUSIVAS!??
?@JuanfeSanzPerez 'CAZA' a Luis SUÁREZ y MESSI en BARCELONA. #ChiringuitoMessi pic.twitter.com/5pLV0EfyNx
— El Chiringuito TV (@elchiringuitotv) August 26, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мењан во Челзи, во Милан доаѓа Милинковиќ-Савиќ

Францускиот репрезентативен голман Мајк Мењан (29) ќе ја продолжи кариерата во Челзи. „Сините“ за услугите на голманот на Милан ќе му платата 18 милиони евра отштета, објавија италијанските медиуми.
Мењан пристигна во Милан летото 2021 година од Лил, а неговиот договор важеше до јуни следната година.
Милан се согласи да го продаде бидејќи не можеше да се договори за продолжување на договорот, па овој летен преоден рок беше последна шанса да заработи нешто од неговиот трансфер.
Мењан треба да биде заменет на голот на Милан со српскиот голман Вања Милинковиќ-Савиќ (28), чиј договор со Торино истекува за една година.
Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.