Спорт
Бартомеу сакал да го врати Гризман во Атлетико во замена за Жоао Феликс
Првиот човек на Барселона Џозеп Марија Бартомеу, неколку дена пред историскиот дебакл (8:2) од Баерн во четврт-финалето во Лигата на шампионите, на Атлетико Мадрид им понудил размена Антоан Гризман за Жоао Феликс, тврди „Марка“.
Гризман минатото лето за 120 милиони евра се пресели во Барселона, а Атлетико тие пари ги вложи во трансферот на Жоао Феликс. Двајцата во своите нови клубови немаа добри сезони.
„Марка“ пишува дека предлогот на Бартомеу би експресно одбиен од Хил Марин.
„Претседателот на Барселона не ги познава економските и спортските логики. Не може да го замени Гризман кој има 29 години и годишна плата од 21.000.000 евра за фудбалер кој е десет години помлад и годишно заработува 3.500.000 евра. Бартомеу предлага размена на играчии чија разлика во платите е пет спрема еден“, пишува „Марка“.
Мигел Анхел Хил Марин откако ја одбил понудата Гризман за Феликс на Бартомеу му предложил поинаква размена. За да го врати Гризман тој ги понудил Диего Коста или Тома Лемари и одредена сума на пари.
Само неколку дена по поразот од Баерн, Бартомеу го вброи Гризман меѓу седум минатата кои сигурно ќе останат во Барселона. Францускиот репрезентативец од тренерот Куман добил ветување дека ќе биде важен дел во неговата формација.
„Така за помалку од две недели Гризман од човек кој требаше да биде трејдуван стана клучниот човек во новиот проект на Барселона. Факт е дека фудбалот е непредвидлив и менлив. Меѓутоа кога во игра се Бартомеу и Барселона тој станува необјаснив и нелогичен“, поентира „Марка“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.