Спорт
Се сеќавате на Кико Македа? Доаѓа во Црвена звезда
Федерико Кико Македа (29) на почетокот на наредната недела ќе го официјализира својот трансфер во Црвена звезда. Македа ги договорил личните услови со српскиот шампион, останува уште Црвена звезда и Панатинаикос да се договорат околу обесштетувањето.
Кога се појави на голема сцена Македа беше голем потенција, тој беше џокерот на Алекс Фергусон во Mанчестер Јунајтед. Играч на „црвените ѓаволи“ бил во периодот од 2008 до 2014 година, но последните три години ги мина на позајмици во неколку клубови.
Трансферот на Македа ќе го отвори заминувањето на Антонио Томане. Португалецот кој во вторникот го постигна голот за победа на Црвена звезда во Тирана, во второто квалификациско коло во Лигата на шампионите, ќе се пресели во Турција.
Парите од неговото обесштетување Црвена звезда ќе ги вложи во Македа.
Минатата сезона Македа беше најдобар стрелец во Панатинаикос со 14 голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.
Спорт
(Видео) Баер без пораз ја заврши сезоната, дебакл на Баерн Минхен, Унион Берлин се спаси од испаѓање
Заврши сезоната 2023/2024 во Бундес лигата. Последното 34. коло го даде конечниот одговор на сите непознати. Најдраматично беше во борбата за опстанок, покрај Дармштад од лигата испадна Келн, а Бохум ќе игра бараж за опстанок против Фортуна Диселдорф. Унион Берлин на волшебен начин се спаси, победи против Фрајбург со 2:1 и покрај тоа што голманот на Франјбург одбрани два пенали. На табелата зад Баер Леверкузен заврши Штутгарт, а Баерн Минхен лошата сезона ја заврши со пораз кај Хофенхајм.
Унион Берлин сезонава играше во Лигата на шампионите, а во Бундес лигата едвај се спаси од испаѓање. Со победата над Фрајбург од 2:1, Унион го избегна баражот за опстанок. Фрајбург со овој пораз остана без место во европските купови и тажно се прости од тренерот Кристијан Штрајх (тој беше тренер на првиот тим од 2011 година).
Унион промаши два пенали но по вториот (го изведе Фоланд во 90+3. минута), Јаник Хаберер налета на топката трча и го постигна голот за опстанок.
Новиот шампион Баер Леверкузен ја заврши сезоната во голем стил, без ниту еден пораз. „Фармацевтите“ го пречекааа Аугсбург и победија со 2:1. Тоа беше 28-та победа во една незаборавна сезона, со шест ремија за тимот на Чаби Алонсо.
Финалистот во Лигата на шампионите, Борусија Дортмунд, убедливо го совлада одамна отпишаниот Дармштад, а капитенот Марко Ројс го постигна прошталниот гол на „Вестфален“.
.
И Штутгарт одигра сезона за паметење. „Швабите“ убедливо славеа над Борусија Менхенгладбах (4:0). Два гола постигна фантастичниот Гираси.
Баерн и во последното коло ги разочата своите навивачи и покрај тоа што кај Хофенхајм по само шест минути водеше со 0:2.
Баерн во второто полувреме со хет-трик го нокаутира хрватскиот напаѓач Андреј Крамариќ. Два од трите гола Крамариќ постигна по лошите рекции на Мануел Ноер.