Спорт
Дончиќ е плачко, има лош шут, не може да е меѓу најдобрите петмина во НБА“
Далас Мавериск испаднаа од плејофот. ЛА Клиперс ги победија Маверикс во шест натпревари, а според многумина најдобар играч во серијата беше играчот на Далас, Лука Дончиќ.
Синоќа Клиперси славеа со 111:97, а Дончиќ натпреварот го заврши со 38 поени и по девет скока и асистенции.
Во САД Дончиќ има многу фанови, но има и такви кои сметаат дека тој не е светска класа.
„Нема шанси Дончиќ да е меѓу најдобрите петмина во лигата. Погледнете колку лошо ги изведува слободните фрлања, лошо шутира и тројки. Кога игра одбрана тој е главната мета на противничкиот тим и притоа плаче кај судиите на секоја одлука. Не можете да го споредувате со Лери Бирд“, рекол Скип Бејлес.
Контроверзниот американски новинар имал свое видување и за исклучувањето на Маркус Морис откако по главата го удри играчот на Далас.
„Уште еднаш забележуваме како Дончиќ со лакт го удира Морис додека оди кон кошот. Тоа ескалираше во неспортски фаул и исклучување на Морис кој во минатиот меч го згазна на повредниот зглоб својот противник, а тоа дојде како резултат на претходниот напад во кој Дончиќ од зад грб го удри Реџи Џексон“, напишал Скип и дополнил.
„Лука Дончиќ е волк во кожа на овца“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Квалификант го победи Циципас на Мастерсот во Мадрид
Победникот на Мастерсот во Монте Карло и минатонеделниот финалист во Барселона, Стефанос Циципас, доживеа шокантна елиминација на Мастерсот во во Мадрид.
Гркот, во второто коло доживеа пораз од 118. играч на АТП листата, Бразилецот Чиаго Монтеиро со 6:4, 6:4. Мечот во центарот на Каха Махика траеше 97 минути.
Еден брејк му беше доволен на Монтеиро да го добие првиот сет, до него дојде во третиот гем.
Со исклучок на вториот гем, Монтеиро испушти само еден поен на свој сервис.
Сигурно сервираше и во вториот сет, а веднаш на почетокот направи брејк и поведе со 2:0.
На 5:3 имаше две меч топки на сервис на Циципас, но не ги искористи, а го реши мечот со сигурни сервиси кога ја искористи четвртата меч топка. Бразилецот на свој сервис освои 89 отсто од поени.
Во третото коло Монтеиро ќе игра против Јиржи Лехечка, кој со 7:5, 6:4 го победи Хамад Меѓедовиќ.
The PERFECT match 💫
Making 89% of his first serves (!), @dThiagoMonteiro stuns Tsitsipas 6-4 6-4 for the greatest (completed) ATP win of his career!#MMOpen pic.twitter.com/kUHUoPvUzj
— Tennis TV (@TennisTV) April 27, 2024
Спорт
Конте ќе го предводи Наполи
Наполи во сезоната 2024/2025 ќе влезе со нов тренер. РАИ објави дека Антонио Конте договорил тригодипна соработка. Наскоро трансферот ќе биде и официјално објавен.
РАИ, пишува дека Конте ќе работи за плата од 6.500.000 по сезона. Се потецира дека Конте ќе добие големи властувања, односно тој ќе го има главниот збор кога се во прашање трансферите.
Наполи има турбулентна сезона во која, претседателот Аурелио Де Лаурентис смени тројца тренери и веќе во првата третина од сезоната беше јасно дека нема да го бранат Скудетото.
Започна со Руди Гарсија, а потоа тимот го предводеа Валтер Мацари и Франческо Калцона, кои ќе ја завршат оваа сезона.
Последниот ангажман на Конте во Италија беше на клупата на Интер, со кој ја освои титулата во 2021 година. По Интер, тој го водеше Тотенхем, се раздели со него во март минатата година и оттогаш е без работа.
Во кариерата ги водеше и Челзи, Јувентус, Сиена, Аталанта, Бари и италијанската репрезентација.
Спорт
Баерн наредната недела ќе реши кој ќе биде наследникот на Тухел
Почесниот претседател на Баерн Минхен, Ули Хенес изјави дека очекува клубот да донесе одлука за нов тренер во рок од една недела.
Баерн во февруари објави дека тренерот Томас Тухел ќе го напушти клубот на крајот на сезоната, една година пред истекот на неговиот договор, поради незадоволителни резултати.
„Мислам дека ќе донесеме одлука за една недела“, изјави Хенес за „Франкфуртер алгемајне цајтунг“.
Откако беше објавено дека 50-годишниот тренер ќе го напушти клубот, Баерн се обиде да ги доведе тренерот на Баер Леверкузен Чаби Алонсо и селекторот на Германија, Јулијан Нагелсман, кои одлучија да останат со своите тимови.
Се шпекулира дека Баерн преговара со селекторот на Австрија, Ралф Рангник.
Баерн оваа сезона не успеа да ја одбрани шампионската титула во Бундеслигата, но ќе има можност да се бори за трофејот во Лигата на шампионите, противник во полуфиналњто ќе му биде Реал Мадрид.