Европа
Студија: Оздравените од коронавирус имаат антитела и четири месеци по болеста
Нивото на антитела на новиот коронавирус се зголемило и останало стабилно четири месеци кај повеќе од 90 проценти од пациентите во Исланд кои оздравеле од Ковид-19, покажа студијата објавена во вторникот.
Претходните студии покажаа дека нивото на антитела значително опаднало за само неколку месеци по закрепнувањето од Ковид-19, покренувајќи го прашањето за времетраењето на здобиениот имунитет.
Новото откритие може да доведе до заклучоци во врска со повторното заболување и трајноста на вакцината, изјави извршниот директор на deCode Genetics, Кари Стефансон, кој го водеше истражувањето.
За да добијат слика за тоа колку луѓе во Исланд биле заразени со новиот коронавирус и да дознаат повеќе за имунитетот по закрепнувањето од болеста, истражувачите го мереле нивото на антитела на повеќе од 30.000 Исланѓани.
Врз основа на добиените резултати, тие проценија дека околу 1 процент од населението е заразено. Од таа група, 56 проценти имале дијагноза потврдена со стандарден лабораториски ПЦР-тест. Кај 14 проценти, болеста не била официјално дијагностицирана, но тие биле ставени во карантин по изложувањето на вирусот. Кај преостанатите 30 проценти, анализата на антитела покажала дека претходно биле заразени.
Кај 91 процент од 1.215 лица чија инфекција била потврдена со ПЦР-тест, нивото на антитела се зголемило во текот на првите два месеца по дијагностицирањето, а потоа ја достигнало највисоката точка на која останале, објавија истражувачите.
Студијата, објавена во „The New England Journal of Medicine“, се фокусираше на хомогената популација на една земја, така што резултатите можеби нема да бидат исти во другите делови на светот со различна популација.
Коментар објавен заедно со студијата предупредува дека не е јасно дали антителата ќе ги заштитат оздравените пациенти од нова вирусна инфекција. Сепак, покажува дека тестирањето на антитела може да биде алтернатива на самото тестирање на инфекција и дека може да има подобри резултати во набљудувањето на населението, додека земјите ја разгледуваат можноста за безбедно отворање на стопанството и училиштата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.