Економија
Средба Бектеши-Хоџа: Преку транспарентен процес ќе се креираат нови мерки за поддршка на бизнисот
Министерот за економија Крешник Бектеши имаше работен состанок со претседателот на Стопанската комора на Северопзападна Македонија, Неби Хоџа.
Министерот Бектеши им порача на претставниците од Стопанската комора на Северозападна Македонија дека Министерството за економија и Владата и во наредниот период низ процес на дебата, транспарентно и со редовна консултација со бинзис секторот ќе креираат нови мерки за поддршка на стопанството.
„ Разговаравме за динамиката на реализација на економските мерки. Комисијата во Министерството за економија ги разгледува апликациите од скоро 800 компании кои што пристигнаа на јавниот повик од мерката за финансиска поддршка за компании кои инвестирале во време на Ковид 19. Економскиот тим на вледата во моментов работи на Четвртиот пакет мерки кои што пред да ги објави ќе ги достави до Стопанските комори. Сега имаме подобра слика и поголема предвидливост на состојбите во економијата, но неопходно е да бидеме во засилена комуникација со бизнис секторот со цел мерките за поддршка на економијата кои планираме да ги донесеме со Четвртиот пакет мерки, на кој интензивно работиме е да бидат во корелација со реалните потреби и очекувања на бизнис заедницата“ истакна министерот Бектеши.
Неби Хоџа од Стопанската комора на Северозападна Македонија до министерот Бектеши достави низа предлог мерки во насока на подобрување на бизнис климата, но и мерки за поддршка на компаниите погодени од здравствено-економската криза.
„ На овој состанок ги презентиравме нашите приоритети како Стопанска комора на Северозападна комора. Тие се пред се во делот на реформи во институциите, мерките за закрепнување на економијата, економскиот стабилен сектор кој треба да се потикнува за да ја задржи економијата жива, но и мерките кои е неопходно да се превземат со цел надминување на кризата предизвикана од Ковид 19“ истакна Хоџа.
Во духот на подобрување на соработката помеѓу Министерството за економија и Стопанската комора на Северозападна Македонија, беше договорено да биде назначен еден претставник во бизнис секторот како посебен советник на министерот Бектеши за подобрување на комуникацијата при креирање на нови мерки за бизнисот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 1,75 % во однос на одлуката од 11.9.2024 година.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,079%, кај дизелот за 4,246%, кај екстра лесното маслоза 4,162% и кај мазутот има намалување за 3,434%.
Од 17.9.2024 година од 00:01 часот максималните цени на нафтените деривати ќе изнесуваат:
Моторен бензин ЕВРОСУПЕР БС – 95 73,50 (денари/литар)
Моторен бензин ЕВРОСУПЕР БС – 98 75,50 (денари/литар)
Дизел-гориво ЕВРОДИЗЕЛ БС (Д-Е V) 67,00 (денари/литар)
Масло за горење екстра-лесно 1 (ЕЛ-1) 66,00 (денари/литар)
Мазут М-1 НС 41,328 (денари/килограм)
Малопродажната цена на бензинот ЕВРОСУПЕР БС-95 се намалува за 0,50 ден/лит, додека малопродажната цена на бензинот ЕВРОСУПЕР БС-98 се намалува за 1,00 ден/лит.
Малопродажните цени на ЕВРОДИЗЕЛ (Д-Е V) и на екстра-лесното масло за домаќинство на (ЕЛ-1) се намалуваат за 1,50 ден/лит.
Малопродажната цена на мазутот М-1 НС се намалува за 0,989 ден/кг и сега ќе изнесува 41,328 ден/кг.
Курсот на денарот во однос на доларот во изминатиот период по кој беа формирани цените со претходната
пресметка е понизок за 0,1676 %.
Економија
(Видео) „Алкалоид“ го комплетира првиот настан за развој на лидерството
На првиот успешно реализиран алкалоидов настан „Развој на лидерството“ менаџерските тимови од земјава и од странство имаа можност да се запознаат со најновите трендови за јакнење на клучните лидерски вештини низ развој заснован на вредности и на ефектно донесување одлуки.
По воведното обраќање на Генералниот директор/Претседател на УО на „Алкалоид“ АД, Живко Мукаетов, говорници на настанот беа еминентни светски експерти од областа: Хари Крамер, поранешен извршен директор на „Бакстер интернешанал“, автор, професор и извршен партнер во „Келог школа за менаџмент“, и Оливие Сибони, поранешен сениор партнер во „МекКинси & компани“, француски консултант, академик и автор, професор на „ХЕК Париз“.
ПР текст
Економија
Мицкоски: Очекувам уште три странски инвестиции до крајот на годината
Претседателката на Комората најави почеток на две инвестиции, на кои изминатиов период заедно присуствувавме и ги почнавме.
Очекувам во периодот што следува, покрај оние четири договорени од почетокот на функционирањето на оваа Влада, уште дополнителни три до крајот на годината, со што драматично ќе се зголеми економската активност и ќе влијаат позитивно на растот на домашниот бруто-производ за 2025 година, но и за годините што следуваат потоа“, информира премиерот Христијан Мицкоски, одговарајќи на новинарско прашање дали ќе има нови странски инвестиции во земјата.
Мицкоски посочи дека носењето нови странски инвестиции значи и отворање нови работни места и поквалитетен и подобар животен стандард за граѓаните укажувајќи дека Владата ќе продолжи да работи и во иднина за силен економски развој на државата.
„Воедно, носењето нови странски инвестиции значи и отворање нови работни места, подобар и поквалитетен животен стандард за граѓаните, на што Владата и во иднина ќе работи, со цел да се постигне силен економски развој на државата, што впрочем е и еден од најважните приоритети на Владата“, дециден е тој.