Европа
Корона-кризата влијаела врз Германката која уби пет свои деца?
Додека пред зградата во германскот град Золинген каде мајка уби пет од своите шест деца, луѓето им оддаваат почит на жртвите, експертите се обидуваат да одговорат на прашањето: Зошто се случи ова грозоморно убиство?
Единствената осомничена за убиството на децата, три девојчиња – Мелина (1), Леона (2), Софи (3) и две момчиња – Тимо (6) и Лука (8) е нивната 27-годишна мајка, беше соопштено на вчерашната прес-конференција на која зборуваа јавниот обвинител и претставници на полицијата.
Кристијана Н. поставила доручек, а потоа ги отрула децата. Наводно ги затрула со апчиња, пренесуваат медиумите.
Обдукцијата врз телата на децата пронајдени во нивните креветчиња покажала траги од задушување и употреба на седативи. Немало директни знаци на насилство.
Жената по ужасниот злочин, отишла по најстариот син во училиште и му рекла дека во семејството имало смртен случај. Седнале во воз за Диселдорф, а потоа се збогувала од него, кога тој менувал воз за друго место, каде наводно требало да ја посети баба му.
Кристијана и пратила порака на својата мајка, признавајќи што направила, а по 20 минути на станицата во Диселдорф се фрлила под воз, но обидот за самоубиство не бил фатален и таа преживеала.
Убиствата, како што пренесуваат медиумите, очигледно биле извршени во „состојба на емоционално преоптоварување“, а позадината на сè е наводно пропаднатиот брак на мајката со таткото на четири од петте убиени деца.
Студиите покажуваат дека мајките најчесто се извршители на убиства на деца во возрасна група од шест до 13 години, а татковците во случаи на деца до пет години.
„По разводот, некои татковци, во случај да не можат да го зачуваат старателството над своите деца, едноставно не сакаат да дозволат тоа право да им припадне на нивните поранешни сопруги“, вели Штефан Репке, специјалист за психијатрија и психотерапија.
Тој исто така посочува дека економската ситуација може да игра важна улога во конфликтот на партнерите или некој клучен настан во животот.
Тогаш сторителот, додава Репке, не гледа излез од таа ситуација.
За Репке, исто така и корона-кризата е еден од факторите на ризик за појава или повторување на некои ментални проблеми.
„Самохраните родители на мали деца се особено изложени на ризик, тие се многу повеќе оптоварени во времето на короната, а образованието на децата од дома, наместо на училиште, исто така создава стрес“, објаснува тој.
Ако некое лице, како што вели Репке, падне во тешка депресија што може да биде придружена со налудничави претстави и идеи, тогаш може да се случи нешто како оваа трагедија.
Официјалната истрага за случајот и натаму е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.