Регион
Патриотски организации најавија протест против новата власт во Црна Гора
Додека Црна Гора бележи рекордни дневни бројки на инфекции со коронавирус, во Подгорица вечер ќе се одржи политички собир на приврзаници на власта на Мило Ѓукановиќ, чиј организатори се претставуваат како „црногорски патриотски организации“.
Повикот за митингот, што треба да се одржи на централниот Плоштад на независноста во Подгорица, се појави на социјалните мрежи пред неколку дена, а следува по минатонеделниот пораз на Демократската партија на социјалистите (ДПС) на Ѓукановиќ на парламентарните избори, на кои партијата ја изгуби власта по 30 години. Во поканата, под знамето на Црна Гора, стои: „Црна Гора те повикува, немаш изговор“.
Црногорската полиција не одговорила на прашањата на дневниот весник „Вијести“ кој е организатор на собирот и дали е одобрен истиот, а претходно ДПС соопшти дека станува збор за патриотскиот собир што не е во нивна организација.
Вовед во собирот на Црногорците во Подгорица, кои се противат на новото мнозинство предводено од просрпската коалиција „За иднината на Црна Гора“, беше собирот во Цетиње во четвртокот, каде илјадници демонстранти со знамиња на Црна Гора шетаа по улиците.
Во Црна Гора е на сила забрана за собири поради епидемијата на коронавирусот. Во земјата, во текот на неделата по изборите, трипати беа забележани рекордни дневни бројки на новозаразени.
Инаку, црногорскиот бизнисмен Душко Кнежевиќ деновиве поднесе кривична пријава против претседателот Ѓукановиќ.
Кнежевиќ го обвини претседателот за сторено кривично дело повикување на насилна промена на уставниот поредок.
Во изјавата на неговиот адвокат се вели дека Ѓукановиќ меѓу 30 август и 4 септември повеќепати повикувал на сила да се менуваат резултатите од парламентарните избори, иако, како што се додава, тој декларативно го признал поразот на ДПС на изборите, пренесува „Вијести“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.
Регион
(Фото) Трагедија: Поради семејно насилство мајка со трите деца се фрлила в река во Албанија
Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.
View this post on Instagram
По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.