Спорт
Овојпат немаше „чудесен камбек“ – Веспрем убедливо преку Вардар до СЕХА трофејот
Унгарскиот Веспрем не му даде шанса на „обновениот“ Вардар и го совлада со 35:27 (15:12) за да ја освојат својата трета титула од СЕХА лигата, прекинувајќи ја шампионската низа на „црвено-црните“.
За разлика од полуфиналето против ППД Загреб, кога „црвено-црните“ успеаја да се вратат во драматична завршница и да победат на пенали, против Веспрем се започна лошо, и во ниту еден момент не се успеа да се доближи до унгарскиот тим.
Веспрем поведоа со 3:0, па со 5:1 на почетокот на мечот, и Вардар со малку среќа успеа да се доближи на само три гола разлика (15:12) по половина час игра. Во второто полувреме, Веспрем не дозволи македонскиот тим да се доближи и во 43. минута веќе имаше предност од 23:17, практично решавајќи го победникот на мечот и освојувачот на титулата.
Глеб Калараш со шест гола и Ловро Јотиќ и Патрик Валчак со четири гола беа најефикасни кај Вардар, додека кај победниците, Петар Ненадиќ постигна пет гола, а Дејан Манасков, Андреас Нилсон и Мате Лекаи имаа по четири гола.
Ова е трет трофеј од СЕХА за Веспрем по победите во 2015 и 2016 и слатка одмазда на унгарскиот тим за поразот во финалето на Лигата на шампионите во 2019 година. Вардар останува најтрофеен тим во СЕХА со пет трофеи, Веспрем има три, а ППД Загреб една титула.
Фото: СЕХА лига
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Туван го лансираше Удинезе на челната позиција во Серија А
Фудбалерите на Удинезе со пресврт победија во Парма со резултат 3:2 (0:2) и по четвртото коло се искачија на челната позција на табелата во Серија А.
Парма на полувреме имаше предност од два гола, но победата ја однесоа гостите од Удине.
Дел Прато во втората минута им донесе предност на домашните, додека Бони ја удвои во 43. минута. Во двете ситуации, словенечкиот стопер Јака Бијол реагираше многу слабо.
А потоа во паузата на „Енио Тардини“ се се смени и „зебрите“ одиграа сосема поинаку отколку во првите 45 минути.
Најпрвин Лука веќе во 49. минута ја намали негативата на гостинскиот тим, а потоа на сцена стапи Флоран Туван.
Французинот најпрвин го израмни резултатот во 68. минута, а во 77. погоди за 3:2.
Парма во 73.минута остана со играч помалку, поради два жолти каротни Кеита беше исклучен.
Удинесе со три победи и еден нерешен резултат ја предводи Серија А со 10 поени, еден повеќе од Наполи и два повеќе од Интер, Јувентус и Торино.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.