Регион
(Видео) Во Подгорица 50.000 луѓе порачаа: „Црна Гора е заситена од четничката слобода“
Додека Црна Гора бележи рекордни дневни бројки на инфекции со коронавирус, во Подгорица синоќа се одржа политички собир на кој се протестираше против новоизбраното мнозинство предводено од просрпската коалиција „За иднината на Црна Гора“, а чиј организатори се претставуваат како „црногорски патриотски организации“.
Еден од организаторите, Пеџа Вушуровиќ, рече дека Црна Гора живеела пред и ќе живее по него. Тој пред присутните истакна дека единствената партија што ги собрала е Црна Гора. Исто така посочи дека деновиве во земјата се сервира туѓ оброк, со туѓи знамиња, по 75 години. „Црна Гора е заситена од четничката слобода“, додаде тој, обраќајќи им се на присутните, а пренесува црногорски „Вијести“.
Skup u Podgorici
Posted by Vijesti on Недела, 06 септември 2020
Околу 50.000 луѓе дојдоа на протестот, на кој според локалните медиуми пристигнале граѓани од сите делови на земјата. Тие скандираа „Се крена Црна Гора, државата да се брани мора“, „Нема да се откажеме од државата“, „Црна Гора е вечна“.
Повикот за митингот што се одржа на централниот Плоштад на независноста во Подгорица се појави на социјалните мрежи пред неколку дена, а следуваше по минатонеделниот пораз на Демократската партија на социјалистите (ДПС) на Мило Ѓукановиќ на парламентарните избори, на кои партијата ја изгуби власта по 30 години. Во поканата, под знамето на Црна Гора, стоеше: „Црна Гора те повикува, немаш изговор“.
Po procjeni Uprave policije na Trgu nezavisnosti prisutno je oko 50.000 građana i sve protiče bez incidenata.
Kolone vozila sa građanima iz pravca Nikšića, Danilovgrada i Cetinja još pristižu.@VladaCG pic.twitter.com/rWWt3Wb0rN— Uprava policije Crne Gore (@PolicijaCG) September 6, 2020
Црногорската полиција не одговорила на прашањата на дневниот весник „Вијести“ кој е организатор на собирот и дали е одобрен истиот, а претходно ДПС соопшти дека станува збор за патриотскиот собир што не е во нивна организација.
Во меѓувреме, еден од лидерите на Демократскиот фронт и коалицијата „За иднината на Црна Гора“, Милан Кнежевиќ, изјави дека очекува формирањето на парламентот и новата влада во Црна Гора да биде до крајот на септември или најдоцна во првите денови од октомври.
Инаку, црногорскиот бизнисмен Душко Кнежевиќ деновиве поднесе кривична пријава против претседателот Ѓукановиќ.
Кнежевиќ го обвини претседателот за сторено кривично дело повикување на насилна промена на уставниот поредок.
Во изјавата на неговиот адвокат се вели дека Ѓукановиќ меѓу 30 август и 4 септември повеќепати повикувал на сила да се менуваат резултатите од парламентарните избори, иако, како што се додава, тој декларативно го признал поразот на ДПС на изборите, пренесува „Вијести“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Регион
Земјотрес го погоди Сараево
Послаб земјотрес го потресе Сараево изутрината.
Како што соопшти Федералниот хидрометеоролошки завод во Сараево, во Центарот за сеизмологија е регистриран во 8.04 часот слаб земјотрес во областа на главниот град на Босна и Херцеговина.
Магнитудата на земјотресот била 2,2 степена според Рихтеровата скала, а интензитетот во епицентарот бил III степен според Меркалиевата скала.
Многубројни жители на Сараево пријавиле тресење на земјата на услугата EMSC.
„Кратко, но силно“, „Кратко, татнеж“, „Само мал трепет и силен звук“, „Кратко, но жестоко“, изјавија тие во своите коментари.
Регион
Ердоган ги спореди израелските напади во Газа со геноцидот во Сребреница
Турскиот претседател Реџеп Тајип Ердоган денеска по разговорот со претседавачот на Претседателството на БиХ, Денис Беќировиќ изјави дека Израел ќе одговара за злосторствата во Газа, споредувајќи ги со геноцидот во Сребреница.
„За жал, денес во Газа и на окупираните палестински територии сме сведоци на сличен масакр што беше извршен пред очите на целиот свет во Босна и Херцеговина во 1990-тите“, рече Ердоган, кој денеска го прими Беќировиќ во Истанбул.
Тој додаде дека Израел ќе биде кривично гонет за убиствата на повеќе од 41.000 Палестинци во Газа, вклучително и турскиот активист Ајсенур Езги Ејги, кој беше убиен на Западниот Брег минатата недела.
„Сторителите на геноцидот во Газа, како оние во Сребреница во 1995 година, ќе одговараат пред меѓународните судови“, рече Ердоган.
Тој потсети дека Турција ја спонзорирала Резолуцијата на ОН за осуда на геноцидот во Сребреница и дека таа земја се залага за стабилноста на Босна и Херцеговина. Тој ги повика властите во БиХ да се приклучат во борбата против движењето ФЕТО, сметајќи дека таа организација е терористичка.
Фето е движење на Фетулах Ѓулен, поранешен сојузник, а сега противник на претседателот Ердоган, кого го смета за виновен за обидот за воен удар во јули 2016 година. Беќировиќ рече дека пријателството меѓу Босна и Херцеговина и Турција е нераскинливо.
„Република Турција е докажан пријател на Босна и Херцеговина и една од најсилните членки на НАТО алијансата и затоа, меѓу другото, нејзината поддршка за Босна и Херцеговина е исклучително важна“, нагласи Беќировиќ.