Македонија
Утре сончево време со локален дожд
Времето утре ќе биде сончево со мала до умерена облачност, попладне во западните планински подрачја со услови за краткотраен локален дожд, информира УХМР.
Ќе дува умерен до засилен северен ветер, поизразен вдолж Повардарието. Минималната температура ќе биде во интервал од 10 до 18, а максималната ќе достигне од 28 до 35 степени.
Во Скопје, сончево со мала до умерена облачност и умерен до засилен северен ветер. Минималната температура ќе се спушти до 16, а максималната ќе достигне до 29 степени.
Во следните денови времето ќе биде претежно сончево и топло со слаб до умерен северен ветер. Температурите ќе бидат без позначителни промени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја дел од село Кондово
Поради планирани зафати во електро дистрибутивната мрежа, денеска, без напојување со електрична енергија ќе останат корисниците на дел од село Кондово во општина Сарај.
Прекинот ќе биде во период од 08:00 – 12:30 часот.
Скопје
Дел од Аеродром и Центар денеска без вода
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, ги информира граѓаните дека денеска поради промена на линиски затварач (Шибер) од ф 150мм на булеварот Јане Сандански бб, прекинато водоснабдување ќе имаат корисниците од булеварот Јане Сандански од бр.50 до бр.118 во општината Аеродром.
Прекинот на водоснабдувањето ќе биде од 09:00 часот до завршување.
Поради водоводен приклучок од ф 80мм на улицата Петар Поп Арсов бр.53, прекинато водоснабдување ќе имаат дел од корисниците од улицата Петар поп Арсов, улицата Теодосие Гологанов, улицата Костурски Херои, улицата Борка Талевски, улицата Христо Смилевски, улицата 9 Мај и дел од улицата Васил Стефановски во општина Центар, од 08:00 часот до завршување.
Македонија
Средба на министерот Муцунски со шефот на Мисијата на ОБСЕ во Скопје, Вал
Министерот за надворешни работи и надворешна трговија, Тимчо Муцунски, денеска оствари средба со шефот на Мисијата на ОБСЕ во Скопје, амбасадорот Килиан Вал. На средбата беше потврдена долгогодишната соработка со ОБСЕ во различни области, при што беше изразена поддршка за напорите на Организацијата насочени кон зајакнување на соработката и одржување на мирот во регионот на ОБСЕ, извести МНР.
Двајцата соговорници изразија задоволство од досегашната соработка помеѓу ОБСЕ и македонските институции, и ја потврдија подготвеноста за нејзино продолжување. Тие разменија мислења и за тековните активности на Мисијата и заеднички ја реафирмираа посветеноста на продолжување на проектите кои ги поддржуваат реформските процеси на новата Влада.