Според британските и шпанските медиуми, Тотенхем е блиску до договор со Реал Мадрид за позајмицата на Родриго.

На „Сантијаго Бернабеу“ го прифатиле моделот на позајмица со можност за откуп, а останува да се договори кој колку од платата ќе покрие и согласноста на играчот.

Клубовите се во постојан контакт за позајмица со опција за откуп, а Арсенал, Ливерпул и Манчестер сити претходно покажаа интерес за Бразилецот.

Родриго е во втор план кај новиот тренер Чаби Алонсо што отвори простор за излезен трансфер.

Како што се приближува крајот на преодниот рок, се очекува преговорите да се забрзаат, а исходот ќе зависи од условите на позајмицата и одлуката на самиот играч.

Според „Tрансфермаркт“, Родриго вреди 90 милиони евра. Тој е бразилски репрезентативец и има 24 години.

Foto/ EPA/Mariscal

Планот на првиот човек на ла Лига, Хавиер Тебас, натпревар од шпанското првенство да се игра во Мајами и четврти пат нема да биде успешен.

Проектот за играње на натпреварот во Мајами се соочи со критики од фудбалерите, отворениот отпор на Реал Мадрид, кој ги охрабри и другите клубови, и неочекуваната интервенција на Високиот спортски совет (CSD).

„Патот до Мајами, се чини, ќе биде сè само нема да биде лесен“, пишува „as.com“.

„Во Ла Лига, веројатно се надеваа дека „оваа сезона е сезона“, таргетирајќи го Мајами како место за натпреварот од 17-то коло помеѓу Виљареал и Барселона, закажан за 20 декември. Тоа беше план да се освои северноамериканскиот пазар во битка со Премиер лигата, по примерот на НФЛ и НБА“.

Претходните обиди (Џирона-Барса 2018/19, Виљареал-Атлетико 2019/20 и Барса-Атлетико 2024/25) не успеаја поради отпорот на Луис Рубиалес, неповолните правила на ФИФА и недостатокот на време. Овој пат нема такви пречки, но се појавија нови, подеднакво проблематични.

Високиот спортски совет (CSD) првично сметаше дека не треба да се меша, верувајќи дека нивната надлежност е потребна само кога меѓународните натпревари се играат во Шпанија.

Но, писмото на Реал Мадрид го принуди спортскиот оддел на Владата детално да го проучи случајот. Покрај тоа, Мигел Анхел Галан, познат во фудбалските кругови, објави дека ќе ја пријави Ла Лига до Спортскиот суд, ако го однесат натпреварот во САД без одобрение од Владата, што дополнително го комплицира спроведувањето на „Планот Мајами“.

Foto/ EPA

Карлос Алкараз (22), вториот тенисер во светот, се налути за време на тренингот пред почетокот на Отвореното првенство на САД.

Победникот на американскиот Гренд слем се налути многу кога виде дека на трибините се инсталирани камери. Од моментот кога влезе на теренот каде што тренираше, се залеше и покажуваше кон нив.

Потоа, по тренингот, ги повика организаторите и ги обвини што дозволиле поставување камери.

Тениските инсајдери наведуваат дека главната причина за гневот на Алкараз е тоа што тренинзите од трибините се снимаат со камери со микрофони.

Тоа значи дека снимките можат да ги користат потенцијалните противници на шпанскиот тенисер откако ќе видат како се подготвува и игра, и откако ќе ги слушнат договорите на Алкараз за тактиките со неговито тим.

Carlos Alcaraz doesn't seem to be a fan of the practice cams

I get it. Why are there microphones on them? Doesn't that make it possible for potential opponents to hear tactics being discussed in certain areas?

It's already invasive, turn the mics off.pic.twitter.com/yn2qEJWX7n

— The Tennis Letter (@TheTennisLetter) August 22, 2025