Спорт
Мекгрегор демантира дека бил уапсен за сексуален напад
Претставниците на Конор Мекгрегор луто демантираа дека ирската УФЦ мегаѕвезда бил уапсен и обвинет за сексуален напад при летувањето во Франција.
Во саботата, „Агенс Франс прес“ (АФП) објави дека во четвртокот Мекгрегор бил пријавен во полицијата во Корзика за наводен сексуален напад и егзибиционизам, и според нивните вести од обвинителите, Мекгрегор бил уапсен и пуштен на слобода во саботата.
Неговиот агент, Оди Атар веднаш го демантираше ова.
„Конор Мекгрегор ги демантира сите обвинувања. Тој не беше уапсен, туку повикан на разговор и пуштен. Гласно и јасно, Конор Мекгрегор нема да биде мета за тие кои сакаат да бидат на насловните страници или лесно да заработат“, вели Атар.
Наводниот инцидент се случил во бар во градчето Калви на Корзика, а дека Мекгрегор беше во регионот се дозна откако тој објави на својот Инстаграм профил дека е предмет на анти-допинг тест на неговата јахта.
32-годишниот Мекгрегор, кој наводно е пензиониран од УФЦ, во последните две години имаше доста проблеми со законот. Во 2018 година беше уапсен во Њујорк за нападот на автобусот во кој беше неговиот ривал Хабиб Нурмагомедов, а минатата година беше обвинет во Ирска откако удри постар човек во еден паб во Даблин откако тој не сакал да проба од неговото виски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).