Забава
Мајли Сајрус го обвини директорот на Ем-ти-ви за сексизам
Поп-sвездата Мајли Сајрус за американските медиуми изјави дека се сретнала со сексистички коментари од директорот на МТВ за време на нејзиниот настап на годинашното доделување на Ем-ти-ви видео музичките награди.
„Ги замолив да ги исклучат светлата за убавина затоа што тие светла никогаш не би се вклучиле доколку некој маж настапи. Дури не станува збор за тоа, едноставно не ми беа потребни затоа што не го замислував мојот настап на тој начин. Директорот на Ем-ти-ви тогаш ми рече дека ќе ме третира како маж“, изјави Мајли за „Џо Роган икспириенс“.
Мајли исто така имаше лоша среќа за време на својот настап поради што сакаше да повтори сè, но веќе имаше конфликт меѓу неа и режисерот.
„Тогаш се изнервирав бидејќи раквиците ми се заплеткаа во костимот и ми беше тешко да се движам, затоа сакав да повторам, а директорот ми рече дека такво нешто никогаш нема да им се случи на мажите и дека ако сакам да ме третираат како маж, тогаш мора да го прават тоа цело време, а не само кога тоа ми одговара“, рече пејачката.
Мајли не сакала да го премолчи сето тоа, па одговорила на свој начин.
„Маж никогаш не би имал ваков перформанс затоа што не е должен да се соблече гол и да му го подигне рејтингот на вашата програма“, одговорила пејачката.
Мајли, изведувајќи го својот нов хит на доделувањето на ММА-наградите, го повтори својот контроверзен настап од 2013 година кога јаваше на дискотопка целосно гола во спотот за песната Wrecking ball. За разлика од тогаш, Мајли овој пат беше целосно облечена. Сличност, сепак, постои.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.